ياليتني قد عشت وقت توارا

يالله ياهادي قلوب الحيارى**** إنجد قلوب(ن) بيدتها الملذمات

ضاقت ولاقر إلعناها قرارا****كن الزمن يهزها بالرهيفات

راس المقدي ذا الزمان إستدارا****ضيع دروبه في عسير المتاهات

شفنا غثا الدنيا جهارا نهارا**** تبدلت بالغم عقب المسرات

ياليتني قد عشت وقت(ن) توارا*** واليوم ياليتني من عداد الأموات

قامت مقابيس المصايب تبارا*****ونار تشتعل عقب نار(ن) مطفاة

قامت تلاطم مثل موج البحارا**** وعشنا وشفنا للقيامه علامات

بئس الزمان اللي هوى الإنكسارا**** لوبه شموخ(ن) في ليال(ن) قديمات

عقب الستر قصت ضوافي الستارا*** قامن عليه المايلات المميلات

اللي حياهن عجل الإندثارا**** الغاويات الذابلات الضعيفات

اللي غدن لعبه بيد النصارى***** وخلن حضارتهن لمسخ الحضارات

جتنا البلاوي من بعيد الديارا****يعرض علينا الخزي من خلف شاشات

الناس تجلب يمنا كل عارا**** وحنا تبعنا ولا عرفنا التبيعات

دارو علينا مثل دور السوارا*** غطوا سمانا بالسفه والتفاهات

يعصى الإله بكل وقت0ن) جهارا**** والله عليم الخافي بكل الأوقات

يدرون عنا باللقاء مانجارا**** وأركوا علينا بالفتن والضلالات

المنكر أصبح سهل ماينتدارا**** كلن يغني لين ضعنا فالأصوات

ود العدا هتك الستر للعذارى**** وحنا يبونا عابدين الملذات

يبون حريه وحنا الحرارا**** حرية(ن) ماهيب تبع المعيبات

ولامنها قامت ومعنا القرارا***** هيهات يدركنا العدا وألف هيهات

يبقى الحياء مع مدنيات الخمارا**** الطاهرات المؤمنات العفيفات

ودين الله نجعل له الإنتصارا**** وترفع لنا الرايه بروس الطويلات
******************************
بغض النظر عن أي خطأ كان000ما أروعها وأجملها من معااااااني*****

هذه أبيات قرأتها في جريدة الجزيره وأعجبتني وأعجبني أكثر أن هذه الكلمات من نظم شاب في مقتبل العمر000((مرزوق الروقي))
**********************
**********
*******
وهذه أيضا قرأتها في الجزيره في عدد آخر0 وأعجبتني كثيرا كثيرا000ماعدا الشطر الثاني من البيت الأول!!!!!!!!!!!!


لاتنخدع في بسمة البرتقاله***** اللي على الشاشه بها الزين قتال!!!

عندي وعندك مثلها برتقاله***** لاشك بعض الناس جشع وميال

بنت الوطن في حشمته وإعتداله**** تسوى جمال الكون في كل الأحوال

ياحي فاله لاعدمنا خياله***** سعودية(ن) تسوى كثيرات الأزوال

كاللؤلؤ المكنون خافي جماله****نشمية مضرب مثل لكل الأجيال

بنت الرجال وعز عمه وخاله**** من فاطمه وأسماء بها عدة خصال

زينه لزوجه بس وحده لحاله**** مابينت زينه لرجلي وخيال

في أسودالجلباب أخفت جماله**** له بالحياء والدين رايه ومنزال

وفي كل مجال كفء غطت مجاله**** بيت وعمل وعيا ل وماعنده إشكال

نفرح بعزتها وندمح خماله**** والله ما نسمع بها قايل (ن) قال

بنت الوطن بنت الوطن بس إلحاله****تاج يشعشع نورها بالسماء عال

قاله سعودي صادق(ن) يوم قاله*** طرحه وعباة أنتي0وأنا بشت وعقال
لناظمها فهد المبلع


******************
شعور