ياليتني ماخرجت لسلطانة

السلام عليكم
حبيت انقلكم مشاعري البارح وانا عند امي وبين اخواتي واقول والله من التعقيد ليه ما يوديني ابو العيال انا والعيال نحتفل مع الناس والهدف انه ينبسطوا عيالي ويرفعوا اعلام ومن هالخرابيط لاني حاولت فيه من العصر الين العشاوما وافق قلت له اجل العيال بينامون وانا بروح لامي
المهم على الساعه الثانيه عشرة والنصف قال زوجي جيعااااااااااان قلتله وانا كمااااااااااان نروح نجيب عشا من سلطانة ؟؟؟؟؟؟؟؟؟؟؟؟
رحنا وياليتنا ما رحنا كل الشباب مترجلين من السيارات وموقفين السيارات والشوارع وصار زوجي يتقدم شوي شوي لين ماصار قدام الموكب ولاعاد يقدر يتحرك الشباب محاوطين السياره من كل الجهات والنظرات الي خلتني اقراكل اللي حافظته من ايات وقرآن وشوي قاموا يكسرون في سياره كانت ورانا وكان داخلها اجانب والسواق يحاول يتقدم ولكن لازال الشباب يحاولون التكسير والضرب على السياره لدرجة انهم طلعوا اعلى السيارة ونقز بغرض,,,,,,,التخفيس والعجن
بعدها صارو ينظرون في السيارات المجاورة نظرات تهديد,,,,,,,,,,,مدري ليه؟؟؟؟؟؟
وبعدها صاروا يضربون على سيارتنا بيدينهم يعني لاتحرك ترى بنقطع ولا بنسوي فيك زي اللي قبلك ؟؟؟؟؟؟وكل ما دق زوجي بوري اقوله لاتزعلهم اسكت ترا بيضربونك,,,,,مالي شغل فيك... وعلى هالحال واقسم بالله اني اول ما اعطيتهم ظهري تشهدت
والله اني احس ان اعصابي وخصوصا رجولي صار لهل شي وحمدت ربي ان بناتي ماهم معاي ولا كان انفجعوا مثلي
خسارة كنت اتوقع ان رفض زوجي ماله داعي واننا مو للدرجه هذي من الهمجية وان كل واحد له الحق في المشاركه في هذه المناسبة ؟؟؟؟؟؟؟؟ولكن اكتشفت اني غلطانه