الله يهدى الجميع

قرأت قصتك وأول تعليقين لك
المسلسلات كذب وخيال واسع والأغاني كمان
الحب ماهو كلام الحب شعور وتعامل وتفاهم انتي قلتي زوجي مومقصر معي ويحترمني هذا اكبر دليل انه يحبك
ناظري حولك شوفي قصص بعض الأخوات واحمدي ربك
أنا تزوجت وعمري 16 سنه وانجبت طفلين وانا في عمر المراهقه وصل عمري 19 وانا عندي طفلين
ولاعمري فكرت تفكيرك طيب عشتي المراهقه بأطول والعرض وبعدين وش راح يتغير
ولا تقولين لي ظروفك غير أنا زوجي اغلب وقته عمل حتى في البيت لكن مقدره وضعه
اهم شي انه محترمني وحتى اهلك محترمهم
عندي كلام كثير
لكن بقول لك كلمتين فكري بعقلك حبيبتي
تقبلي مروري

اي حب اي خرابيط
اسمحي لي عزيزتي راح اكون قاسيه شوي معك
انا تزوجت زواج تقليدي لا وكنت مابيه ابد كنت اصيح عد اهلي اقول مابيه
الان لو تجيه حراره خفيفه قلبي بيوقف اخاف عليه
الروتين هو اللي يخلي احساسك عادي على قولتك شخص انتي ساكنه معه تفقدينه
وش اللي خلاك هالحين تفكرين تصلحين العلاقه هااااه ؟؟ هو انك تبينه
وجعلنا بينكم مودة و رحمه يعني تعاطف والفه مو حب وخرابيط المسلسلات التركيه
اغلب رجال مجتمعنا مايعرف يعبر عن الحب بالكلام حتى لو كان ميت فيك راح تلاقيه كريم سخي معك وطلباتك اوامر
بس مستحيل يجيك يقول احبك اعشقك يبان من تصرفاته وانتي بأنوثتك تقدرين تطلعين هالكلام منه
احمدي ربك و حطي زوجك بعيونك واتقي الله فيه وارجعي لبيتك وتغيري للافضل
غرفة نومك اصحك تتركيها لأي سبب والا راح تندمي لو اكتشفتي انه يجيب غيرك فيها
زميله لي متزوجه وعندها اطفال و كل عيوب الدنيا في زوجها : بنات و سهر وحبوب وترك للصلاه و مقصر في حقوقها طفران
و مع دا كله تبكي عليه زوجها شريك حياتها نصفها الاخر
والله كبرت في عيني وقفت معه ونصحته وسعت في علاجه و جنت ثمرة صبرها واجرها عند الله اعظم
كيف حالك انتي و زوجك كامل ولا كامل الا وجهه
اسمحي لي قهرتيني عليك وعلى حال زوجك
والله العظيم اتمنى ترجعي زوجك ويصلح ربك الحال و راح ادعي لك اختي الغاليه

ضيعتي مراهقتك فلا تضيعي جو الاسره ياخوفي تصيرين مثل وحده عندنا مثلك نفس النمره
لامراهقه لا عيال ولا زوج بح راح كل شي

سبحان الله وبحمده