انصحك يا اما تصلحين نفسك وتسوين اللي بينك وبينه وتؤدين حقوقه كزوج وزي ما دلعك تدلعينه ولا تهملينه وتبذلين لحياتك معه زي ما يبذل معك

وترى اغلبية الرجال ما يطلعون مشاعرهم ومشغولين

لكن زوجك مشغول بامور حلوه ولا ينخاف عليه اجل لو مشغول بحشيش او استراحات او بنات

يعني يا انك تقدرينه وتصونينه وتنتبهين له وترجعين


او اتركيه وخليه يدور رزقه مع وحده تعرف قيمته

اسمحييييلي  زوجججك خسسسسارة فيك  ولو انه مو معطيك وجه رحتي تجري وراه وتدورين رضاااه بس عشان محترمك ومقدرك ويدور رضاك ساحبه عليه 
انا من راااي خليك عند اهلك وهو ربنا يعووووضه باللي احسسسسن منك وتسعده لان نادر احد يلقى مثل مواصفات زوجك 

ياختي نصيحه لوجه الله لاتخربين بيتك ورجعي الزوجك واولادك ووبتدي حياه جديده وهتمي بزوجك واولادك وبيتك واهم من كل هذا خافي من الله اسأل الله العلي القدير ان يؤلف بين قلوبكم والله يسر لك كل خير 

سبحااااان الله ماخذين الفراق هاليومين زي السلام عليكم
... ياكثر البنات اللي تزوجو في سنك ولا سوو سواتك وبعدين اذا ماتزوجتي في شبابك متى تتزوجي ؟؟
اقول خلي العبط وأرجعي لزوجك ولعيالك وخليك زوجه سنعه والاهمال أتركيه واهتمي بنفسك وخلي نومك في غرفة النوم مافي داعي تنامي برا غرفتك كلنا متزوجات في عز شبابنا ماقلنا كذا ولا سوينا كذا بالعكس تأقلمنا على حياتنا الزوجيه والله لو تطلقتي بتعرفي انك كنتي في نعمه عظيمه وأنه ساتر عليك.. معروف الوحده يوم أنها بنت وفي بيت اهلها مو زي انها تكون مطلقه تعامل الاهل راح يفرق حتى لو أنهم أغنياء ...
وبعدين أغلب الرجال الحب عنده أنه مايقصر عليك في طلباتك ولا في الفلوس وهو مومقصر بس بعض الرجال ثقيل شوي مايحب الحركات والكلام الحلو لازم تتأقلمي على حياتك معاه دامه كذا .....

يعني فيه شي متناقض اسمحيلي كيف عندك خادمه وبيتك دايما مكركب وكيف يلبي لك كل شي واللاي تطلبيه ومافكرتي مثلا تجيبي طباخه مسؤوله عن الطبخ مثلا او خادمه فالبيت ومربيه للاولاد  غير الخادمه انا ع حسب ماشفت اللي فبيوتهم خدم مستحيل يكون البيت مكركب بشكل واضح وبعدين انا اشوف وسامحيني بقسى عليك العيب مو في سنك فيه بنات اصغر منك وعايشات احلى حياه فاهمات وشاطرات فالبيت ودلوعات العيب في عقلك لازم تراجعين نفسك لانو هو مااخذك من مراهقتك وحرمك انتي حرمتي نفسك هو مثلا ضد الصديقات والسهرات معاهم ؟؟!! اكيد بتقولي لا انتي كذا خلقة ربنا علاقاتك محدوده اجل كيف وحده علاقاتها محدوده وتحب تعيش مراهقتها ابدا ماتخش الراس وبعدين لاحظت من كلامك انو هو مايسأل عن غيابك عن غرفة النوم هنا لازم انتي تحطي كذا خط احمر وتبحثي عن السبب !!؟؟ وبعدين هو مو مسؤول عن تفكيرك واحساسك هو بالعكس كويس واحد كذا مستحمل وخذيها نصيحه بتفكيرك هذا انتي مستحيل تلاقي زوج يحبك ويبادلك الغرام  ليش لان الصفات اللي فيك مايحبها اي رجل ولا يبادل امرأه بهذه الصفات عشق وغرام الحب ياعزيزتي يحتاج له ارض خصبه ينمو فيه فوقي ياعمري لنفسك قبل ماتضيعي الحياه وتندمي سامحيني قسيت عليك لكن ابدا ماتمنيت فيه بنت فذا العصر تعيش بتفكيرك البنات هذي الايام ام عشر سنين واعيه وتتكلم عن الحياه كأنها بنت ال العشرين ولو تدخلي فنقاش شويه معاها عن زوج المستقبل تخجلي من نفسك ارجو ان قسوتي عليك تنتج ثمارها ووتفكري اكثر في نفسك انا مااعرفك ولا تعرفيني لكن تمنيت لك الخير ياعزيزتي ...