ياليت أموت واريح امي مني

بنات أنا الكبيره وامي معتمده علي بكل شييييبب
لدرجه تحسني اله تحسني ماحس عديمه احساس
يعني تبي كل شي أنا اسوي ماعمري شفته تأمر خواتي ولا تخليهم يودوها مشاويرها ويتحملون
مثلي أنا اتمننننننى أموت واريح اميييييي مني
مشكلتي امي تموت فيني بس ماترحمني
وانا عصبييييه هذي مشكلتي يعني إذا انضغطت
اجلس اعصب واصيح
بقولكم موقف
امس خرب جوال امي قالو خواتي خلاص
ناخذ لك تمارا
امي يابنات عادي تتعب نفسه وتروح وتتحمل
لو تدوخ بس ماتخليني مثلا اروح اجيب الغرض
اللي تبي لازم تجي
وانا ماحب كذا قلت اوكي
اجلسي أنا اروح أشوف إذا يقبلون تمارا
قالت لا بروح معك واشوف وش يبون وش المطلوب
رحت جرير رفضو رحت اكثر من محل رفضو رحت اكسترا
وانا اسحب امي معي واقولها اجلسي
ترفض لدرجه واضح فيها التعب جاء سعودي
رحمها جاب لها كرسي وقالها اجلسي بالمحل
قعدنا ساعه وشوي نحاول بالبرنامج وكل شوي يرفض وكل شوي يطلبون ارقام امي بتاخذه باسم اخوي واخوي رفض يجي معنا قال إذا وافقو تمارا دقو واعطيكم الرمز انتم متخيلين كنت بإكسترا وطفى علينا النور يعني سكرو من ٨ لما ١١ ونص نحاول بهالزفت تمارا وبالآخير ضبط بعد ايش
بعد ماحسيت بالذل والاهانه يعني متخيلين كل اللي يشتغلون بإكسترا تجمعو عندي عطينا الرمز اصبر بدق على اخوي ادق عطني الرمز وعلى هالحاله يعني حتى اشوف نظرات الاستغراب من الموظفين انه ليش اللي بياخذ باسمه ماجاء معكم
انا بدون شعور بعصبيه قلت لامي
وين ولدك ذا ليش مايجي يصلح الجوال كل شوي بنجلس كذا ندق عليه أنا بدون شعور بصيح
جتني الصيحه حسيت باهانه وحسيت بغرابيل عشان قصد جوال واخوي ساحب وخواتي بالبيت يعني ماحد توهق غيري
أنا صرت اتافف بالمحل بدون ماحس اللي جالس يحاول لاحظني امي مو معطيني فرصه أتنفس
واقفه وراي وانا بس معصبه ونفسيتي زفت وهي لاحظت أني شوي وبصيح ومعصبه قالت خلاص مب لازم قلت لا اصبري بس كلمي ولدك يجي
أنا وش اسوي تفشلت قدام العيال ب اكسترا كل شوي جالسه اكلم بعد ساعتين وافقو يعطوني اول ماطلعت من باب اكسترا انفجرت فيها
إني أنا أتحمل كل شي وولدك حتى ماكلف نفسه ينزل وانحرجت قدام العيال منها اللي بس يتسمع وانا اكلم اخوي واتهاوش معه
وىنها اللي بس يقز جالس مانزل عيونه وانا اكره
هالشكليات ومنها واحد حاط رجل على رجل ويطق بعلكه قدامي يتأمل وانا متوهقه وامي نازله بس شكل معي اقسم بالله شكل أصلا كانّها بعالم ثاني تعبت من الوقفه والغربله اكلمها كانّها مخدره
او مغيبه مو مستوعبه لما طلعت عصبت بالشارع عليها وهي ساكته 😭😭😭😭
آخر شي إنفجرت تبكي
ونفس الموقف برمضان قالت روحي جيبي فطور
وبجي معك وتجلس تقولي جيبي لأخوك بعد
من محل فلاني وأختك وجيبي لنا وهي معي أنا انضغطت أسوق وتعب رمضان وحر وعصبت وصحت وجلست تبكي مني
مع كل هذا امييييييي تعرف شخصيتي
تعرف اني اعصب ولا أتحمل ولا شي
وبكل مره ترفض تروح مع خواتي واخواني
ولا تجي إلا معي أنا أتمنى أموت لان تأنيب الضمير
يذبحني يمين بالله يابنات لما تروح عصبيتي
واهدأ اني أضرب نفسي واقطع شعري
ليش زعلت امي
ليش نافخت عليها
ليش بكيتها امي شخصيته حساسه
لو احد يقولها حرف بكت مره بعزيمه بكت قداك
الحريم عشان حرمه أحرجتها بكلام
ولكن امي يذبحني تأنيب الضمير يعني ترضى
ولاًكانها بكت وانا يموتني تأنيب الضمير اللي فيني
اجلس أتذكر وش قلت واتذكر شكل امي
واتذكر كلامي واجلس ابكي واضرب. نفسي حتى من القهر بنااااااات أنا ودي أتحمل ودي ماعصب
وشلووووون تكفوون اقدر خاصه امي مابي ابكيها مابي أزعلها مابي أتعبها لكن قسم بالله غصبن علي كاني مسحوره أنا إذا انضغطت كذا انفجر بدون ماحس