ياليت احد يسمعني مخنوقه

السلام عليكم ورحمة الله وبركاته
اللهم لك الحمد حتى ترضى ولك الحمد اذا رضيت ولك الحمد بعد الرضا
اللهم لك الحمد كما ينبغي لجلال وجهك وعظيم سلطانك

ابغى افضفض لكم قد ارتاح ولو قليلا بيننا انا وزوجي سحر تفريق بل ان الشيخ الذي يشرف على علاجي يقول بان السحر لتفريق العائلة كلها
اليوم حدث بيني وبين زوجي شد في الكلام اردت ان اوضح له اني مظلومة لكن لا يريد ان يسمع مني بل يقول انه رآني بعينه وانا والله اني مظلومة وبريئة واخذ يهددني بالطلاق وان ارضى بعيشتي هكذا او يطلقني وانه ماهو تاركني الا عشان عيالي الصغار واخذ يحلف ويقسم انه لايريدني بل يقول احمدي الله على النعمة ( هو هاجرني له اكثر من سنتين وحارمني من اهلي بل اني كالجارية ) قال لي كلي والبسي والا رميت عليك الطلاق الان والمشكلة ايضا وانا اتناقش معه شرقت وانخنقت وكدت اموت واخذت رجلي ترحف وانا اعتقد انه بسبب المس لكي لا ادافع عن نفسي وهو فرح واخذ يدعو عليه بان الله يأخذ عمري وان يصيبني السرطان يقطع بطني وان الله شايف اللي اسويه فيه ( ياه وانا مظلومة مظلومة )
وذكرت له موقف لشغالة امه مع بنتي قبل ثلاث ايام راحت بنتي عند جدتها وهي عندها شغالة طبعا هي ساكنه معنا بنفس البيت لكن منفصلين عنا وكانت الشغالة في المطبخ وما ان شافت بنتي حتى قفلت باب المطبخ في وجها وخرجت بعدين من المطبخ وقفلته ايضا ولمن قلت له هذا الموقف قال : حقها تسوي هذا الشئ ولا بعد تعطيك انت وبنتك بالمداس ( الله يكرمكم ) على رأسك وقلت مالها حق تسوي كذه قال ماهو بيت ابوك قلت وماهو بيتها قال لا بيتها قلت ياسلام وعلى طول بغى يضربني واخذ يقذفني ويقذف امي ويهدد فيه بالطلاق
مشكلتنا مع الشغالات مشربكة جدا لدرجة حتى لو احد يتحرك يجلس يراقب فيه يفكرانا نراقب فيه مع الشغالة واشك فيه يعني يبغى لنا نفسر له كل حركة لنا ونوضح له عشان مايفكر انا نشك به وان تحركنا هذا ما له علاقه بالتفكير هذا الامر معقد وما اقدر اوضح اكثر من كذه انا تعبانه جدا وغير اشك كثيرا بان موضوع لنا سحر بخصوص ما يتعلق بالشغالات لاني اصلا لو جاب لي شغالة تحصل لي مشاكل كثيرة واتعب مرة وتحدث لي حركات لا ارادية كثيرة لدرجة حتى لمن اتكلم مع زوجي اذا كان فيه شغالة فاني غصب عني يتجه نظري ناحيتها ولمن انام مع زوجي ( قصدي .......) فان تفكيري غصب عني يكون فيها واذا كنت انا واياها في مكان واحد فان نظري غصب عني يتجه ناحيتها واتعب كثير من تواجدها او يتسلطن عليه او يبهذلني زوجي بسببهن ( حتى الان وانا قاعده اكتب اصابتني الآلام ممايؤكد بوجود فعلا سحر ) لكن لا اعلم وش الغرض منه بالضبط
الظلم طعمه مر
حسبي الله على كل ساحر وساحره الله ينصرني وينتقم لي ممن سبب لي كل هذي الاهانه والحرمان
ملحوظة : انا ماعندي شغالة ياحسرة الا اكرف الى ان اقول بس والشغالة اللي اتكلم عنها لامه ما هي لي
المشكلة ماني قادرة ارقي زوجي ولا استطيع ان ارقي ماء واخليه يشرب منه لانه يشرب مويه صحة اللي في قوارير صغيرة واكيد لازم تكون مقفلة واصلا ماهو ساكن معي والمشكلة ان هذه المناقشة اللي حصلت اليوم جابت العيد الله يستر من اللي جاي ولكن املي في الله كبير ان الفرج قادم
يا ليت اللي عندها افكار للرقية عن بعد تدلني عليها الله يجزاكم خير