ياليت الكل يدخل .. ويشوفلي حلل مع اهل زوووجي

السلام عليكم ورحمه الله وبركاته
صباحكم خير ورضا ..
انا داخله بمعرف جديد لاني حابه افضفض هنا واطرح مشاكلي دون ان يسبب لي ذلك احراج من الي اعرفهم بالمنتدى .. المهم ماطول عليكم مشكلتي بأهل زوجي اول شي انا بقولكم اني متزوجه من فتره وعندي ولد وانا بمدينه اللي زوجي يداوم فيها واهله بمدينه ثانيه لاكن للان علاقتي بهم رسميه لاني اشوفهم قليل بحكم دوام زوجي الصعب بس ياخذ اجازه بالعيد ويروح يشوف اهله واروح معاه انا وولدي , ولاكن انا بطبيعتي اجتماعيه واحب ادخل مع الناس بس هم الله يهديهم ماعطوني فر صه اتقبلهم او احبهم بقولكم ليش ..
اول شي يوم خطبوني كنت اسمع من الناس ان الام وبناتها بس يحكون بالناس ويتمصخرون ومايخلون احد في حاله وخصوصا امهم وبعد كانو ينتقدونهم ببيتهم ونظافتهم البيت والمطبخ وتعرفون الامور هذي , انا ماكنت مهتمه لهالامور وكنت اقول ماراح يتكلمون في مرت ولدهم اكيد اما نظافتهم فهذا امر خاص فيهم ومالي حق اتدخل او استهزء وماكان الموضوع هامني اصلا , بعد ماتزوجت ورحت لهم كذا مره سألتني امي سؤال من باب الفضول وقالت صحيح اللي كنا نسمع قبل مدامك عرفتيهم وصارو اهلك لان هم بمدينه ثانيه ولا كانت امي تعرفهم ولاشافتهم ابدا , قلت لها والله الشاهد , كل الكلام كذب وحرام عليهم الناس يبالغون ناس عاديين ماشفت منهم الا الخير , مع ان لاحظت انعدام النظافه وبعد السب والحش بسلفاتي المتزوجات اخوانهم الكبار وكنت اسكت ولا اشاركهم بالحكي لاني ماعرفهم اصلا اقصد سلفاتي فكيف اتكلم فيهم وكنت مصدومه منهم كيف يسبونهم عندي وانا لسى ماعرفتهم ولاعرفت خيرهم وشرهم يمكن حبوبات ويعطوني عنهم فكره غلط واكتشف بعدين انه كذب والحمدلله الله كملني بالعقل فكنت ما احكم ابدا على اي شخص من مجرد رأي شخص اخر به لازم اعرفه واعاشره قبل اظلمه وكنت انصدم اكثر لما ينزلون سلفاتي العصر ويستقبلونهم احلى استقبال وكلام حلو وياعمري وياحياتي !! من هـــنـــــا عرفت معادن الناس ولاكن يشهد الله ماقلت لامي ولا لاي احد لاني ماحبيت الكلام عنهم يتكرر مره ثانيه ومني انا مرت ولدهم الصغير واللي لسا ماعرفتهم صح فما حبيت اصير بهالمكان والله يعطيني على قد نيتي , المهم هم كانو يبغوني في كل مره اتجاوب معهم في الانتقاد على اللي مايعجبهم واللي يسبونه وانا ماكنت كذا فالظاهر ماعجبهم الوضع , ولاحظت انهم تغيرو شوي , وبعد فتره لما كنت حامل بولدي بالسابع كانت وحده من خواته جايه لمدينتنا عندها شغل مع اخوها وصارت في بيت اخوها يعني بيتي وماكانو بيطولون ثلاث ايام بس , وزوجي يودي اخته للمطاعم خلال هالفتره ومنعني اني اطبخ قال مابي اتعبك واختي اصلا تحب مطاعم هالمدينه وتحب تتسوق وكان الله يعافيه طاير فيها تسوق ومطاعم من حسابه الخاص واخوه الثاني يطلع معهم احيان واحيان مع خويه المهم خلصت هاليومين ومشو , بعد فتره يعني بعد ماجبت ولدي بفترررره سمعت من قرايبي ان اخته هذي لما راحت لاهلها كانت تتكلم عني وتقول ان بيتي مو نظيف واني ما اطبخ لها وكلا بس تاكل من المطعم تخيلو هالظالمه هي كلها يومين وحبينا نمشيها ونونسها وهذي اخرتها , وماقصرت امها قامت حكت كلام بنتها لكل الجماعه اللي هناك وصرت مسخره هناك , وانا افكر وش سويت لهم ليش كذا والله والله يابنات كنت العصر اسوي قهوه وحلا وكل شوي ارتب واعطر البيت هذا وانا حامل ولافكرت تساعدني مساعده بسيطه كأنها ضيفه ولا قلت شي بالعكس طايره فيها واسأل اخوها وديتها السوق الفلاني او المطعم الفلاني , اللي قاهرني ياناس انا بمكان وهم بمكان ولادخلو بيتي غير هالمره وطلعو فيني كل هالعيوب ولسلفاتي ولقرايبهم اللي هناك وصارو يتجنبوني كأني وبـــاء , الحين علاقتي فيهم سطحييييه جدا وانا بكل صراحه نزلو من عيني وفيه مواقف كثيررر صارت بيني وبينهم وسبحان الله كل وحده من خواته صارلي معها موقف كلهم اذوني والكلام يطول ولاكن اكتفى بالاختصار مو حابه اتكلم فيهم اكثر بس ابي اوضحلكم المشكله ومتى بدأت , الحين انا متأزمه بسبب العلاقه بيننا وكل مره نسافر فيها لازم اقابلهم وقت طويل مع زوجي ولا مره من تزوجت عيدت عيد عند اهلي تصدقون كله عندهم مشتهيه مره اعيد عند اميمتي واصبح بوجهها واعيد على ابوي حبيبي والله اكلمهم وانا هناك بوسط الهم وقلبي يحترق عليهم اتمنى اني بوسطهم ومره قلت لزوجي بعيد عند اهلي رفض وقال اهلي بيشوفون فلان اللي هو ولدي وانا والله تضيق بي الوسيعه من ادخل ديرتهم احس اني انمرض واتعب يعني تخيلو يعاملوني معامله الغر يبه واذا دخلت سكتو واذا تجمعو اختهم اللي سبتني تتغامز هي وبنات عمها وتتكلم علي ويضحكون واسوي نفسي ماشوفهم يعني مدري كيف اوصف الحال هناك اللي مجربه اكيد بتفهمني احس بغربه ووالله صدق مو كذب انمرررض اذا جيتهم الله يعين ودي يتغير الحال علشان نفسي وزوجي اللي حاس فيني بس ماني عارفه كيف شورو علي ,,وبس طولت عليكم فديتكم الله لايحرمكم الجنه ولا يحرمكم رؤيه وجهه الكريم اللهم امين
ويبلغنا واياكم رمضان لافاقدين ولا مفقودين ..