حمام الرجال بدون تهوية طبيعية مرررره ماينفع + مدخل المغاسل ضيق جدا

لو تخلين حمام الرجال على يسارك وانتي داخله. يعني ع اليمين مجلس الرجال وع اليسار المغاسل والحمام وبعدها المقلط ومنها يتوسع مدخل الرجال. ويتوسع مدخل النساء
طبعا يبغالك تاخذين نص متر من المجلس ونص متر من المقلط ونص متر من غرفة الضيوف وبيطلعلك مكان معقول لحمام الرجال. اتمنى فهمتي علي

الدور الأول ماعليه كلام. بس لو تبدلين البوفيه بالصالة. اكثر شيء اعجبني غرفة الملابس للبنات بجد انا متأزمة مع بناتي اتمنى لو عندهم غرفة ملابس


بشكل عام المخطط جدا رائع وعملي كثير حبيته. وبعد اذنك بحفظه عندي اذا ماعندك مانع

وان شاء الله ربي ييسر لكم البناء وتسكنونه بأتم الصحة والعافية

هلا درة
يعطيك الف عافية ،،،بالنسبة لموضوع دورة المياة حق الرجال صاااااادقة دخت السبع دوخات على اساس ينفع بدون تهوية طبيعية وكلااااام اغلب المهندسين شوفي الفنادق والمستشفيات اغلبهم بداخل الغرف يعني تهوية صناعية من اعلى وتمدد للحمام الاخر ( حق النساء ) بس يقولون الاضاءة وتقدرين تستغنين عن الاضاءة الطبيعية بصناعية .

طبعاً لجأت لهالحل عشان ماعندي مساحات واسعة وابغى استغل كل متر موجود .

وماادري ضيق مدخل المغاسل بسأل المهندس ..


وشوكرررررن لتوجيهاتك الراائعة ..

وياليت تزيديني من ملاحظاتك وشكراً لك مررررة اخرى ..

درة

خذي راحتك ، احفظيه وسوي اللي تبين .
الله يفرج لي ولك وكل مسلمة ..

مشكوره حبيبتي الله يسعدك

طيب عندي لك فكرة لمدخل المغاسل

خلي زاوية المجلس زاوية مشطوفة ماراح يأثر ع مساحة المجلس وبنفس الوقت يوسع على مدخل المغاسل

وفي اقتراح كنت بقوله لك بالرد الأول بس قلت ليش اللقافة ههههههه
لو تبدلين جناح البنات بجناح الأولاد .. وتسحبين حمام البنات ويكون بين الغرفتين بجناحهم الجديد. . والحمام الكبير يكون هو غرفة الملابس .. تعرفين البنات اغراضهم كثيره وجلستهم بغرفهم أكثر عكس الأولاد الله يحفظهم