ياليت الي جربو الطلق الصناعي يفيدونا

مرحبا اختي ام مازن نصيحه لوجه الله لاتروحين لهم الا اذا جتكي علامات الولاده ولا تصدقينهم اذاقالو مطوفه على التاسع والله اني مريت بنفس حالتك ودخلت وذبحوني بالطلق 19 ساعه ماخف ولا دقيقه وسبب لي نزول رحم ومثانه والان لي سنتين ونزول المثانه ماله علاج لاكن اختي روحي لدكتوره نساء خاصه واكشفي على الجنين وموية الطفل اذا طبيعي انتظري فرج ربك لان الطلق الطبيعي يروح ويجي اما الصناعي يستمر لين تولدين وهذا مامريت فيه وانصح عن الاستعجال والله يسهل عليك في هذا اليوم وتولدين طبيعي بصحه وسلامه واي سؤال من عيوني

شوفي حبيبتي لاتخاااافين ولاتتوترين ولايهمك شي شوفي زيي بالخوف مافي اكبر خوافة على وجه الارض لدرجة لما اخاف من شي معين ويحين وقته تجيني حالة مغص ودوخة وما الله به عليم وزي ما يقولون وما خفي كان اعظم المهم ما اطول عليكي انا في ولادتي الاولى كنت مرعوبة من الطلق لحالو فما بالك بالصناعي واتوعد من البيت انهم ما يحطولي طلق صناعي من كثر ما اسمع عنه انه يتعب .....المهم حطولي طلق وانا مدري صحيح اتألمت ودمعت عيني بس شوي بس والله ماكنت متوقعة ان هذا بس الم الطلق كنت متوقعة اني بصارخ من الا لم ومع الكمام الالم كان خفيف يروح ويجي وتراه احسن من الطق الطبيعي لانه يسرع بالولادة..... وانصحكي نصيحة لوجه الله ترى الخوف ماينفع يعسر عليكي الولادة ويرفع الضغط انتي وكلي امرك لله ومن توكل على الله فهو حسبه...ان شاء الله اكون افدتك واذا ارتحتي من كلامي ادعيلي تتسهل ولادتي ويكفي الله شر النزيف عمليتي يوم الاحد

هلا اختي انا جربت الطلق الصناعي في حملي الاول بس اعطوني الطلق الصناعي لسبب انه المويه تنزل يومين وما في اي بوادر طلق وقلت المويه على الجنين فاضطرو يعطوني الصناعي وصار معي طلق وكان ورا بعض ما في راحه بين طلقه وطلقه وضليت 16 ساعه فانتي مثل ما قالت لك الاخت فجر لو وضعك طبيعي وكل شي اوكي البيبي والمويه وكل شي انتظري شوي وان شاء الله تولدين بطلق طبيعي وتولدين ولاده سهله ويارب حملي هذا يكون طلقي طبيعي يااااارب ويسهل ولادتي انا وانتي وكل الحوامل يارب

هلا اختي انا مثلك توني والدة بكرية ..
وعطوني طلق صناعي لانه عندي سكر الحمل ولايبغوني اطول ..
من عطوني الطلق الصناعي جلست 9 ساعات اطلق ..
من الساعه 12 الظهر ويبدى الطلق وتحسين بوجع خفيف بس زاد علي مررره تقريبا على الساعه 6 او 7
والساعه 9 ولدت ..
اصعب شي اخر ثلاث ساعات هي المتعبة مررره ..ااما الوقت اللي قبل تقدرين تتحملين الألم واذا بغيتي يعطونك ابرة مسكن
ابرة مسكنة مو ابرة الظهر .. انا قالوا لي على أبرة الظهر بس رفضت ..

والله يعينك ويسهل امورك..
ولاتنسين الاستغفار والقران وقت الطلق وان شاء الله ربي يخفف عليك ..

حبيبتي لايضيق صدرك اختي توها والده بكرها وسوولها طلق صناعي تقول مو مثل ماتوقعته عادي وجلست 9 ساعات تطلق وفرجها ربي
وبعد عمتي عندها 4 اطفال واحد منهم سوولها طلق صناعي وتقول والله مافرقته عن الطبيعي ... الله يسهلها عليك