الزوجين لما يعيشون مع بعض فتره طويله يبدا يدخل الملل بينهم والرجال بالذات يدور التجديد فيغير حياته بروحته عند اخوياه يحس انه كسر الروتين,, وانا احس هالمشاكل ماتجي الا من الاخويا هم الي يكبرونها بروس بعض ويقوون بعض .. انا ماقول ان مشكلتك تافهه لاوالله فيها حقها الوحده ودها تحس بالامان وان زوجها معها وحريص عليها ,, بس بعد هذا مو مبرر انك تتمنين الموت استغفرالله حبيبتي مهما يكون ومهما يصير لاتكرهين حياتك وعيالك واهلك يعني شوفي كم شخص ضحيتي فيه عشان شخص واحد !!
كل شي بالدنيا له حل وكل شي يتغير مع الدعاء والصبر والسعي لحل المشكله وتشوفين وش الاسباب اجلسي مع نفسك جلسه وشوفي من متى تغير ووش فيه فالبيت شي يخليه يطلع منه ومايحب يجلس فيه بس خلك صريحه مع نفسك ولاتطلعين نفسك دايم الصح ..
وحاولي معاه بكل اسلوب وبكل طريقه واخرررررررررررر شي.. ولابعد ليش اخر شي!! لاتفكرين ابد بالطلاق
الطلاق يعني شتاااات لك ولعيالك وانتي عندك من ماشاء الله اربعه مهما كان وجودهم فبيت ابوهم اعز لهم من اي مكان ثاني ..
سوري اذا قسيت عليك بالكلام بس انا احاكيك وانا عادتك اختي مارضى انك توصلين هالمرحله من الحزن على شي مثل كيذا ولا ارضى تهدمين حياتك .. الله يصلح احوالك واحوالي واحوال المسلمين اجمعين

لاتفكري بالطلاااااااااق ابدا يااختي صعب والله وبينكم اطفال وتصير شتات وحرمان

اصبري وافهمي وش السبب اللي يخليه يسهرويطول ,يعني يطلع ويسهر لكن بحدود

ولايصير تقوولي طلاق عشان السبب السهر فكري الله المستعان كثير من الحريم صابرات على ازواجهم وهم يتعاطوون وخيانات عشان عيالهم وانتي ماتصبرين
ومع ذلك يدعون الله ولايأس مع الله
اصبري وكلميه وتتودد له لعل الله يهديه

وادعي الله كثير واستغفري
وإذا خرج من البيت استودعي الله سمعه وبصره ولسانه وفرجه وجوارحه عن الحرام والله سبحانه مايضيع وداعتك
واسال الله ان يصلح حالكم

اختي اصبري وان شاءالله تفرج
بس اكثري من الاستغفار والدعاء
وان شاءالله تتيسر امورك
بس اصبري انتي

الله يفرج همك

والله مادري وش اقولك
لكن حاولي تعرفين وين يسهر ومع من يسهر يمكن تعرف على شباب جدد وعلموه السهر ياقلبي لاتخربين بيتك تحملي عشان اطفالك
الله يريح بالك يارب ارزقها السعاده في الدارين الدنيا والاخره