ياليت امي قاسيه

قبل ابد
انا عمري ٣٠ واحس عمري ١٠ سنين
رالسبب تربية امي للاسف
للاسف للاسف امي
لو بكيفها حطتني انا وخواتي واخواني بغرفة
وقفلت علينا لين نموت عشان مايجينا شي
ومن كثر هي ماتبي نتركها!!
بنات صرت احس فيه شي بامي😭
الامهات لما يتوظفو عيالهم
بعيد
او يتزوجو يعني ياكثر صديقاتي
تزوجت بعيد
وامها مبسوطه وهي اللي تشجعها بالعكس
تاخذ الولد اذا صار زين
امي للعكس
الشي الوحيد اللي تسويه اذا جاء احد
يخطبنا مو من ديرتنا
تبكي !!
وتثول على بلاطه ارفضي لاتروحين بعيد!!
ونفس للشي الوظايف اخوي جته وظيفه
بمكان يبعد عنا ٤٠٠ كيلو ولنا نفس الشي
جلست تصايح وتبكي وتدعي على اللي وظفنا
انا صارت اختي تدق واصله معها تقول
امي غثتني بس تصيح وتبكي ولا تاكل
وضايق خلقها تركنها يومين اسبوع
بس صامله
ماتاقلمت مارتاحت لما خلتني استقيل ورجعتني عندها
والحين بس تحن وتزن على اخوي
بنات كلمناها تفاهمنا معها بس بدون فايده
كاني اكلم جدار
اقول انتي تبين توقفين للحياة؟
كل الناس هذاهم توظفو بعيد
وتزوج. بعيد
انتي كذا بتضيعننا هذا موب حب هذا وسواس
شوفي للناس كيف تاركين عيالهم وبناتهم يعيشون
تقول ماعلي من الناس!!
اقسم بالله خلاص انا قفلت معي
اوكي امي واحبها
بس انا موب حيوان ولا قاصر عشان تبي تصك
علينا لاوظايف زي الناس
ولا زواج ولا شي
كل شي بنظرها اما توظفو عندي
ولا تزوحو عندي ولا مافي
بجلس اصيح وابكي سنه قدام واحرم نفسي
من الاكل اختي لما توظفت انا بالرياض
تكلمني تقول احس انك ميته
على خركات امي تصايح وحارمه نفسها الاكل وتصحى
وتنام وهي تبكي اختي توهقت فيها
تقول تورطت ماعرف وش اسوي فيها
وتهرج عليه اختي انه وش فيك تقولها انقلعي
كولي تبن خليها ترجع بس
وتخيلو نفسيتي اكلمها بسولف معها مادري الا بسم
الله تنفجر بكي بالسماعه كرهت اكلمها كرهت
ادق عليها لان نفسيتي تصير صفر واروح الدوام
وانا افكر ومهمومه لما خلاص مارتاحت لما خلتني استقيل
والله اني شلت هم حتى اختي تقول اسحبي عليه
اسبوع وتتعود بالنهايه اختي انصلت تشتكي
تقول كل مالها تزيد كانك ميته
واني ماعرف وش اسوي
اوكي كل ام تحب عيالها لكن ذا موب حب ذا سيطره
يعني ماعليش امي بعيدين وش بتنفعني لما اعجز
وانا بدون وظيفه؟
بدون زواج؟
بدون اي شي بالحياة هي كل همها
خلكم عندي اذا خصل لكم شي عندي بنفس للديره
او انسو تتزوجون او تتوظو بعيد😭
والله اشوف صديقاتي احسدهم
بقوة قلوب امهاتهم
يعني خلاص امهاتهم
عارفين ان بناتهم كبرو خلاص يتزوجون عادي بالشمال
الجنوب بعض صديقاتي مايشوفو اهلهم بعضهم الا بالشنه
مرتين وامهاتهم ماشاء الله من احسن شي
ليش امي كذا!!
بنت هالتي راحت بعثه مع زوجها ٤ سنين
وامها من احسن شي وبالغكس مستانسه ان بنتها
تزوجت وراحت بعثه امي ليش كذا!!
لدرجه استغفر الله يابنات صرت فوق ماتقبل منها شي
صرت احسها انانيه امي للاسف خربت حياتي بكل شي
وخربت حياة اخواني والسبب وسواس الخوف علينا
وانها تفقدنا طيب انا وش اسوي وش ذنبي انا
يضيع عمري كذا بدون اي شي بالحياة!!
للاسف صرت احس امي دراما
على اي شي تصايح وتبكي اشياء كل الناس
وبناتهم سوها وهي دراما فيها يعني لما اجلس لحالي
فوق اجلس افكر اقول هي ماتحس؟
هي ماتفكر انها بكذا جالسه تضيعنا؟
هي ماتشوف عيال وبنات الناس وين راحو وين وصلو
وحنا رابطتنا فيها!!