السلام عليكم ورحمة الله وبركاته
أخواتي أتمنى أنكم تفيدوني بنتي عندها أعاقة سمعية سمعها 85 ركبنا لها سماعة وعمرها 4 تقريبا ألحين الحمد لله تفهم وتتكلم أكيد مو طبيعي ويبغي لها مشوار بس الحمد لله .
مشكلتي في تدريسها خاصة العربي العلوم وكل المواد مثلا للحين ماتقدر تعبر واذا عبرت بكلمة تكتبها بالعامية ماعندها كلمات فصحى مع اني أقرلها بس ما تعلمت أبغى أعرف أشلون أعلمها والجمل الأسمية والفعلية وال الشمسية والقمرية
والله أحاول فهمها لين أتعب خلاص يبح صوتي بس في الأخير هي في وادي وأنا في وادي
جبت لها صور وأحاول أشرح لها بشكل عملي لاكن مادري هي ما تفهم أو ماتبغي تفهم أروح المدرسة كل المعلمات والمشرفات يشكون منها ( بنتج عنيفه مشاغبة تضرب ما تسمع الكلام متملله في الصف ) اه عجزت وياها والله شنو الحل وأحنا في البحرين ما عندنا مدارس أو صفوف خاصة بضعاف السمع والمعلمات ماعندهم خلفية ولما أقول بنتي حاله خاصة يقولو لا مافيها الا العافية مو مستوعبين الي هي فية
هي صف ثاني ابتدائي والمعلمه تقول بنتج كلش ماتعرف شيء ضعيفة
ساعدوني والله اني في هم مايعلم به الا الله
مشرفات أرجوكن لا تنقلون موضوعي للتجمع بغيت يكون منفرد على شان أقدر أتابعه ويكون خاص بالتعليم رجاءءءا
بقايا أمل.. @bkaya_aml_6
عضوة نشيطة
يلزم عليك تسجيل الدخول أولًا لكتابة تعليق.
جزاك الله خيرا أختي تويتة سأطبق كلامك في أبني عمرة 4 سنوات زرعنا له قوقعة في أذن وحده وللحين مافية تجاوب بس بحاول أن شاء الله
أما أبنتي فمشكلتي في تدريسها أشلون أفهمها النهج الدراسي هذا الي شاغلني
أما أبنتي فمشكلتي في تدريسها أشلون أفهمها النهج الدراسي هذا الي شاغلني
الصفحة الأخيرة
يا أختي عند الأطفال ضعيفي السمع صعوبة في النطق لأنهم مايقدرون يسمعون الكلام بشكل واضح فينطقونه مشوش ,,لكن دام معاها سماعات بإذن الله رح تتقدم بشكل ملحوظ بنطقها فعندي كم نقطة ودي أبينها لك :
*عند تعليم ضعيفي السمع مثلا : الحروف / الكلمات / الألوان ... الخ نعلمهم مع التركيز على حركة الشفاة يعني زي حرف الواو كيف إنه يكون شكل الشفاة أثناء النطق بحرف الواو تكون مضمومة . فنطلب من الطفل يقلد حركة شفايفنا مع النطق بالحرف .. و هكذا ...
* نشوف إش الاشياء اللي يحبها الطفل من هوايته ونستغلها في تنمية نطقه ومهاراته مثلا يحب الرسم ويرسم شمس نجي احنا ونأشرع الرسمه ونقول : ياالله شششمس ، شششمس بكذا الطفل بيقدر يربط حرف الشين ونطقه بالرسمة فلما نطلب منه مره ثانية نطق حرف الشين بيجي على باله رسمة الشمس وأنه كيف نطقها هاذاك اليوم وبإذن الله بيتمكن من نطقها ..
*كمان استغلال الالعاب في تطوير النطق .
* تنمية مهارته البصريه بما أن ضعيف السمع يعتمد على بصره ، ننميها من خلال الصور و أوجه الاختلاف و التشابه بينها ...
*و نقطة ضرورية هي لازم نشجعه على أي تقدم في نطقه ونعززه ونحاول إن مانصحح أخطاؤه على طول لكي يعرف وين الغلط ويجتازه .
* زيارة أخصائي السمع لأنه بيكون فاهم وعارف شلون يتعامل مع الطفل ..
* نعطي أولادنا الغذاء المتوازن لأنه مهم في تنمية جميع اعضاء الجسم ومنها أعضاء النطق والكلام ..
* ضرووري إنا نمد الطفل بالحنان خاصة من جهة الوالدين ..
* عدم توجيه كلام قاسي للطفل مثل : انت غبي / / ماتسمع / شلون تتقدم وانت فاشل / بتبقى طول عمرك ما تعرف شيء ....الخ لأن هذا يجعل عند الطفل نظرة سوداء عن نفسه ويصير لمن يجي يفكر بالنجاح يتراجع خوف من كلام الناس اللي حوله و نظرته عن نفسه بالعجز ..
* و أولاً و أخيراً نتوكل على الله سبحانه حق التوكل ونكثر من الدعاء ولا نيأس لأن الله قادر على كل شيء لكن امتحان و اختبار منه سبحانه وخيرته بعبده ,, ويمكن بكره يصير هالطفل إنسان عظيم يضع بصمته في الحياة و يبرق اسمه من ضمن العظماء بتاريخ البشر ... فأسأل المولى ان يكون معاك أختي ويوفقك و يوفق بنتك ويساعدها بكل خطوة ولا تيأسي واصبري ...هذا اللي حبيت أفيدك فيه ببعض معلوماتي البسيطة والبعض مقتبس من منتديات أخرى .... و الله الموفق ...