اتواصللي مع امك. . يمكن تساعدكم. ..ويمكن يكون كذاب ماعنده بيت فخم ولا وظيفه ولا شئ ...ويمكن يطلع مهم ولد خالتك .واحد نصاب ولعب عليك. ...استعيني بالله . عشان يختارك اللي فيه الخير.

الله يهون عليك وويصبرك ،اقطعي العلاقه بدون تردد ووادعي والحي على الله ،الله يعوض صبرك خير

اذا هو مو حق بنات وسوالف وخرابيط ليش يكلمك ؟!!!
وينه طول هالسنوات ولا الحين دامك جيتيه بنفسك فجأه طلع كل شي وانقلبت الحياه عنده وصار شاريك ويبيك

هو عمره فوق 20 ولا صغير عشان يكلمك بهذي الطريقه ويكسر قلبك بالدموع !!

بدال مايبكي ويندب حظه يقوم يسترجل ويحفر الصخر ويخطبك واذا ربي كاتب لكم الخير بيتم الزواج

اما سالفة انه يجرح ويقطع في يدينه وجسمه ويرسله لك هذا اسلوب مراااااااهقين وبزران عشان يكسر خاطرك ويقطع قلبك وتبقين معه شفقه ورحمه ماهو حب ماهو حب ماهو حب

وبعدين وش تعرفين عنه اساساً عشان تصدقينه يمكن يعرف مليون بنت غيرك لكن مو بالفيسبوك اللي مفضوحه صورته واسمه اكيد برى الفيسبوك


اصحي يا اختي لا تنخدعين ومعروفه البنت قلبها رهيف وحنون ومن الحرمان اللي عشتيه مجرد ماقال احبك تعلقتي تبين منه كلام حب اكثر تبين تحسين بالاهتمام حتى لو كذب ومن خلف شاشه

وانتي فكري الى متى تستمرين تكلمينه ؟ اذا انتي بنت تخافين من الله وتشوفين ان هذا مايجوز وانتي تبين الحلال ماتبين الحرام ليش مستمره

اتركيه الحين قبل انتي تتعلقين فيه كثييير وتستمرين معه شهر وسنوات تكبرين معاه ثم تنصدمين صدمة عمرك فيه تكتشفين انه كذاب معه بنات غيرك ويوم يجي وقت الزواج بيخطب بنت عمه وانتي بيتركك بدم بارد

وافرضي ربي ماكتب لك معه نصيب وش تسوين بنفسك ؟!
هو رجال بيعرف غيرك لكن انتي المحرومه من كل شي بتبقين تعانين وتتعذبين يكفي عذابك وفراقك مع امك لا تكملينها بقصه جديده

تعوذي من الشيطان دام الموضوع في اوله

وامسحي حسابك بالفيسبوك وامسحي كل شي يوصلك له
واذا هو رجال يبيك وربي كاتب لكم الزواج ماراح يمنعه شي حتى لو انقطعتي انتي عنه ورحتي اخر الدنيا

وهو بدال مايقطع يدينه ورجلينه وجسمه ولا يقول اروح العنايه والمستشفى وش تسوين له ؟ يعني يبيك تروحين تخطبينه من ابوه وامه كأنه الموضوع بيدك مو بيده ؟ خليه يسترجل مثل الرجال ويدخل البيوت من ابوابها ويجي بكل رجوله وشجاعه يطلبك من اهلك .. مو ينسدح بالبيت ويطقطق بجواله يلعب بمشاعرك عشان ماتتركينه اثبات الحب مو كذا اثبات الحب يجي من الباب وخليه يقطع بعمره من اليوم لبكرا انتي مو محتاجه بزر بحياتك انتي محتاجه رجال

الله يشرح صدرك وييسر امرك

لا تنسين تتوجهين لله بالدعاء

ورددي هذي الادعيه من القرآن بصدق واخلاص

( أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ )

( رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي )

( وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ )

( لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ )

( حَسْبِيَ اللَّهُ لا إِلَـهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ )

( أَنِّي مَغْلُوبٌ فَانتَصِرْ )

( رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ )


ثم اسألي الله ان يكتب لك الخير ويرشدك للصواب وان يغفر لك ويعفو عنك ويرزقك بالحلال ويبعدك عن الحرام

يابنات خفوا ع البنت 
تراها فاقدة الحنان والعطف من ابوها وامها 

طبعا هذا مو مبرر للي جالسه تصلحينه 
المفروض تقطعين علاقتك فيه قوي قلبك واقطعي 
العلاقه اول شي علشان ماياخذ عنك فكره سيئه 
انتي بالبدايه كنتي تبغين خدمه منه وقدمها لك 
المفروض لحد هنا وخلاص يتوقف التواصل

هو اذا نفسه فيك ماراح يخليك 
اما سالفة يبكي اذا قلتي باتررك 
فهذا عارف وش اللي يوجع قلبك لذلك يستخدم هالسلاح 
معاك 


الحل اقطعي علاقتك معاه 
استخيري الله بكل امورك 
وكوني قريبه من الله ربي مايظلم مخلوق