بسم الله الرحمن الرحيم
أسعد الله أيامكم ونولكم اللي ببالكم<<الله سجع
أنا متزوجة من فترة طويلة ولله الحمد ورزقني ربي باولاد اسأل الله صلاحهم وصلاح نفسي وزوجي<<صارت خطبةوسعوا صدوركم علي
مريت بتجارب كثيرة وابغاكم تستفيدون حتى اللي ماتزوجت لسى تتعلم والذكي هو اللي يتعلم من تجربة غيره
طبعا النقاط اللي بذكرها بعضها طبقتها بحياتي واستفدت واللي ماطبقته عرفت قيمته بعدين
الدنيا مدرسة
1-الصبر مرارته موت ,,في حياتك الزوجيه اذا بتعيشين مستقرة اصبري طبعا فيه حاله من وجهة نظري مافيها صبر وهي وتكون من بداية الزواج اذا الزوج يضرب او لايصلي او يسكر اويخون او مرض نفسي
طبعا للي لسه متزوجة وعرفت الافضل تركه لان البقى معه راح يزيد المعانة لكن اللي صبرت الى ان رزقت بطفل خلاص تصبر معه العمر كله عالشان تحمي طفلها
باقي الاشياء اصبري عصبي بخيل صامت ثرثار فقير اصبري اصبري
2-تعلمت انه اغلب الرجال تجيهم فترة ممكن تتكر اكثر من مرة يكون مكتئب مايطيقك يعصب على عياله وانتي ماتعودتي منه هالتصرف
معليش ابتسمي ابتسامة رحمة موسخرية واصبري
ولا تزعلين ممكن تطول اسبوعين ثلاثه
كل الشكوك بتجمع براسك وش غيره ؟ أتركيه لاتسأليه سؤالك بيزيد الفترة
الحل قومي بنفسك وبيتك عادي :)وبدون اسأله ولاتلزقين فيه حتى المشكله اللي يعاني منها تروح وهو بيدورك ويحتك فيك
2-أم الزوج وياليت تقولين أمي اذا تحبين زوجك بتحبين سبب وجوده بعدالله بالنسبه لي ماني موظفة واوفر من مصروفي واشتري لها ذهب واهديه لها<<كبار السن يحبون الذهب
لاتقولين يمكن خالتك حبوبه تستاهل الله يعلم كيف تعلم ولكني ارجو من الله بذالك صلاح زوجي وذريتي لي
امه تسب تستهزئ تسب اهلك اولادك اسكتي واصبري
لاتحطين زوجك بين خيارين انتي اوامه
بيختار امه واذا اختارك هذافراقه افضل
اللي يرخص حلوة اللبن(امه) يرخص بنت الناس
وبعدين كيف تكرهين ام اولادك غصب عنك هي ام اولادك مهما يكون تعاملها حبيها يحبك ولدها.
3-كون عون له بالازمات الماديه وبالمشاكل الاجتماعيه كوني بصفه دائما
4-اذا حاطه ببالك بتعيشين كل عمرك مع زوجك
رجاء رجاء لاتقولين اسرارك لاقربائك ولاحتى اختك
كثير كثير اعرفهم سبب طلاقهم خواتهم
لما تقولين لاختك ماتنسى اللي قلتيه انتي نسيتي اللي سوى زوجك وتراضيتوا وانتهى الموضوع وتسولفين بيسافرفينا :arb:تنط اختك والكل جالس وعيالك يسمعون وش الفايدة وهو سوى فيك كذا وكذا تستاهلين هذي اللي تنشر غسيلها:icon33:
أنتي تنتمي الى زوجك واولادك الان اكثر من انتمائك لاختك
ضايق صدرك عندك المنتديات والهواتف الاستشاريه لايعرفونك وبيفيدونك بحل بدون فضايح
وعيشي ملكة قدام اهلك عالشان يحسبون لك ولزوجك ولاولادك ألف حساب
5-أخوات زوجك وسلفاتك كويسين الحمد لله اصحاب مشاكل تعاملك يكون رسمي والله الله بالصمت الرهيب
6-زوجك سفره كثير بسبب طبعة عمله دبلوماسي عسكري طالب علم من بداية زواجك علميه تسافري معه أن شاء الله السودان والا فرنسا عيشي مع زوجك وين ماكان أعز لك
ودمتم بسلامه وكل عام وانتم بخير:39:
من جابها من بحرها؟ @mn_gabha_mn_bhrha
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
وتسلم يا عسل على النصايح الغاليه دي و يارب تنفع الجميع