بنت ^ نجد @bnt_ngd_2

عضوة فعالة

ياليت تفيدوني

اخواتي /// من مشرفات وعضوات

ابغى اخذ رائيكم في غرفة الضيوف عندي اول شئ بعطيكم وصف لها وبعدها بقولكم المطلوب

الغرفه 4 في 6 لون الجدرات ليومني فاتح والارضيه سيراميك ليموني مع اخضر عشبي خفيف الكنبات اخضر عشبي مع عنابي
الشبابيك الاطارحقها والسقف ابيض مشكلتها مالها باب عباره عن قوس مفتوح على الصاله ولونه ابيض

ابغى احط على الفتحه اللي مكان الباب ستاره وش رايكم ؟؟؟ شفت عند ايكيا ستاره لونها ابيض وفيها ورق شجر اخضر واصفر وش رايكم تنفع لان لون جدارات الصاله خربزي فاتح اخاف يطلع شكلها من برى مو حلو بس هي تناسب مع الاولوان الداخليه للغرفه . ولا احط الستاره نفس الستائر الداخليه ؟؟؟

بعد بغيت اسئلكم في نفس الغرفه فيه شباك طويله بالجنب مالها داعي بس مدري ليه حاطينها وش ينفع لها ستاره وحده قالت لي غطيها يقطعة زجاج ثانيه وحطي بينهم ورد مجفف وش رايكم ؟؟؟

تحياتي للجميع

هذا الموضوع مغلق.

نيارة • 22 سنة

بنت ^ نجد

يا هلا فيك
ممكن تشوفين الصور المرفقة بتساعدك في أختيار شكل الستارة أما لونها فصعب نحدد لك أنتي أفضل من يختار قماش ملايم مع الغرفة من الداخل و الخارج .....لكن أنصحك باللون السادة .....

و هذا شكل جميل جداً أتوقع يناسبك

بالنسبة للشباك الطويل ....
يا ليت تزوديني بأبعاده و موقعة في المجلس و هل يطل على منظر معين ؟؟؟
لأني ما قدرت أتخيله بالضبط

همسة • 22 سنة

الأخت نياره كفت ووفت من ناحية الصور .

فعلا هي تناسب القوس اللي عندك .

وأنا أرجح الأولى بس مع بعض التعديل بحيث تأخذين من الصوره

الثالثه القاعده الخشب اللي فوق مع الصوره الأولى والقماش

أنا أنصحك أنه يكون ساده .....الألوان الساده تعطي فخامه

في الستائر

وأنت تقدرين تحكمين على إلي يناسب .

:33: :33: همسة:33: :33:

بخيته 2002 • 22 سنة

اولا الكنبات مقتنعه فيهم لاني شايفه العنابي داخل عرض المهم بامكانك تبدلين الشباك بنافده زجاج مزخرفه طبعا نفس الوان الغرفه او تكون لون ساده اخضر او ليموني وتضعين عليه ستاره دانتيل ليموني او عشبي تطلع روعه وصدقيني اول مايدخلون راح يشدهم . طبعا الدانتل من جهة وحدة ممسوكة او بس من فوق .

بنت العز • 22 سنة

أختي بنت نجد ..

وصفك لمجلس النساء يشبه مجلسي ..والشباك الطويل بالعكس يجنن ..لأني أصريت على زوجي يحطه بعد ماشفت في الكتالوج ..المهم حطيت عليه زجاج معشق وبدون ستاره ,,وماتتخيلين كيف صار ..

أما وضع الستاره على القوس في رأيي ما فيه داعي ..الأفضل المفتوح ..واذا كان عندك ضيوف وحاسه انه لازم تسترين البيت ..وش رايك تحطين بارتشن ..وبعد مايروحون تشيلينه ..بصراحه أنا أسوي كذا ..