ياليت تفيدوني الله يسعدكم ......

مع العلم إنه لي أكثر من ثلاث ساعات أقرأ في التقشير هنا في المنتدى ...
وبصراحة ما طلعت بإجابة واضحة :(

ياليت ما تنسوووووووون تمرووووون وتعطونا رأيكم ولكم الأجر بإذن الله ...

اختي انا بعلمك بتقشر والله تقشيرهم مافيه زود على التقشير اللي في البيت
الفرق هم يشفطون فلوس اضعااااااااااف
اذا انتي مستعده بقولك خطوه بخطوه
والله اختي راحت لدكتور يسويلها تقشير والله حول 1500 ريال وعلى ايش؟؟؟؟
والله هي نفسها ماتغيرت
والله ما ابالغ ان قلت ان تقشيرنا افضل منه

ياليت يالغالية ...

أنا داخلة على الله ثم عليك ....

والله يكتب لك الأجر والسعادة في الدنيا والآخرة ...

ويحقق لك جميع ما تتمنينه ...حتى لو ماشفت نتائج تجربتك بس مجرد مبادرتك تكفي ...:26:

وهالشئ موغريب عليك لأنك بنت دار بو متعب الله يحفظه ..........

شوفي اختي انا والله بقولك عنه مثل ما اقول لاعز ماعندي
والله ولا ابي منك شي يكفيني سعاتك
روحي لصيدليه واخذي منه اكسترا ديرم رقم (4)
واخذي مع قطن صغار
قبل ماتبدين فيه تاكدي انك ماتظهرين في الشمس تقريبا اسبوعين
وتاكدي انك ماعندك اي مناسبه قبل اسبوعين

تغرقين القطنه بالمستحضر وتمررينها على وجهك والرقبتك
اول يوم مايحرقك ابدا
لكن من اليوم الثاني بيحرقك اشوي
اليوم الثالث بيحرقك اكثر(بس في اللحظه اللي بتحطينها بيحرقك )
وبتشوفين كيف البشرة تتقشر بطريقه فضيعه بس لاتخافين
وكل يوم مره وحده في الليل
الاسبوع الاول النتايج ماترضيك
بس في الاسبوع الثاني بتتحسن اشوي اشوي
في نهايه الاسبوع الثاني (يعني بعد اسبوعين )بشره يحسدك عليها كل اللي يعرفك
بشره رووووووووعه
بعد الاسبوع الثالث خلاص ماتشوفين تقشير رغم انك مستمره يوميا
بعد ثلاث اسابيع استخدمي اكسترا ديرم رقم اثنين كل ثلاث ايام (للمحافظه على النتيجه)
بتلاحظين كل بعد كل فتره تقشير بسييييييييييط هذا احسن علشان تتجدد بشرتك على طول
واذا ماتبين تقشير بسيط تستخدمين اكسترا ديرم رقم واحد يوميا او سكينول بالخيار
يوميا قبل النوم

واثناء استخدامك بكون انشاءالله معك علشان اي سؤال او اي خوف اطمنك

ياشيخة الله يسعدك ..

ويوفقك وييسر كل أمووووووورك يارب .....

أنا رايحة الصيدلية يوم السبت إن شاء الله لأن زوجي مسافر هاليومين وراح أبدأ من السبت وأرد لك خبر .....
طيب سؤالي يالغالية ...
هل أستخدم معاه واقي شمس أو لا ....؟؟
وهل أحطه على آثار العنقز في جسمي أو لا ............؟؟؟

وتسلمييييييييييييييين ....
صدقيني دعيت لك من قلبي ....
الله يوفقك