ياليت تفيدوني بخصوص هالتحاميل خصوصا قشر قهوه

مرحبا ياعسولات

ابي اسالكم وشرايكم بهذيرالتحاميل؟!
خالتي استخدمتها وتمدحها مره وجارتنا تمدحها لي
بس كلهم عندهم عيال يعني مومثلي
انا ماعندي ولي 4شهور متزوجه هل عادي استخدمها ولابتاثر علي


وهذي هي التحاميل

- 3 فناجيل قهوه ممسوحه ملح فارسي مطحون
- 3 ملعقه كبيره ونص مره مطحونه
- 3 ملعقه كبيره محلب مطحون
- من 3 ونص الى 4 ملاعق كبيره عسل نحل طبيعي ( لازم طبيعي مو من السوبر ماركت ) لان الصناعي فيه سكر والسكر يخرب المره

ملاحظه : ممكن تخلين مقدار المره 4 ملاعق كبيره والمحلب 2 ونص ملعقة كبيره محلب بيكون افضل لاني المره الجايه بقلل نسبة المحلب

الطريقة :

1- نغسل المره ونتركها في مصفاة وبعدين نحطها في صحن ونخليها تنشف وبعدين نطحنها
2- نغسل المحلب بنفس طريقة المره ونطحنه
3-نغسل الملح الفارسي ونتركه في مصفاة لين ينشف ( اذا مانشف ننشفه بحذر بكلنكس ) بعدين نكسره بالهاون الحديد الى قطع صغيره وبعدين نطحنه ناعم
4- نغسل الايد عدل عشان ماتتلوث التحاميل او ممكن نستعمل القفازات النايلون بعد مانغسلهم طبعا ( لان ريحة المره على الايد ماتروح بسهوله ) او ممكن نستعمل الملعقة بالتحريك
4- في صحن عميق نحط المره والمحلب والملح ونضيف 3 ملاعق عسل ونحرك وبعدين نضيف الملعقه الرابعه تدريجيا ( يمكن يكفي 3 ملاعق ونص او 4 ) المهم تحسين ان الخلطه صارت ثقيله وماتلزق ( بالنسبه لي انا ضفت 4 ملاعق عسل ) ونخلطهم عدل
5- نبلل سبابة الايد اليمين بشوية ماي ( موتكثرين ) وتاخذين كثر حبة النوى وتسوينهم نفس حبة النوى بس لاتسوين اطرافها حاده وصفيها في صحن كبير مغسول عدل من الصابون ومنشف من الماي
6- حطيهم في مكان فيه تيار هوا لمدة يومين وشمس او لين ينشفون وطبعا لازم تغطينهم بمشخاله كبيره او خام تورعشان الحشرات وممكن تحطينهم في غرفه عن الدريشه والشمس وتشغلين المروحه على العالي
7- بعدين حطيهم بعلبه زجاجيه وحطينهم بالثلاجه اذا كان الجو حار بس اذا كان شتا خليهم بره وعلى فكره التحاميل ماتخترب اذا حافظتي عليهم


من جربتها وهي لسي بدون عيال؟

ومبروك عليكم الشهر والله يجعلنا من العتقاء من النار ويبلغنا صيامه وقيامه