ياليت تفيدوني وتكسبون اجري

السلام عليكم ورحمة الله وبركاته ..
وشلونكم يابنات وش اخباركم ؟؟؟
انا اختكم من منتدى الجمال والاناقه واول مررره اكتب بمنتداكم واتمنى اني مااكون ثقيله عليكم .. وهذي لكم مقدما :26: :26:
ياليت تتحملوني لاني بطول عليكم شوي واحكيلكم مشكلتي من البدايه ..
انا متزوجه من اربع سنوات وماعندي اطفال عمري 21 سنه " طايره على العرس " ادري :p ببداية زواجي كان وضعي ممتاز .. بعدها حملت واجهضت وانا بالشهر الثاني تقريبا ولا سويت تنظيف .. عقبها بسنه حملت مره ثانيه واجهضت بس هالمره وانا باواخر الخامس " طحت بالسوق وانفصلت المشيمه ونزل الجنين عقبها بيوم " المهم هالمره سوتلي الدكتوره عملية التنظيف قعدت بعدها يوم بالمستشفى ويوم بالبيت والثالث بالسوق " والله غصب عني زواج اختي كان باقي عليه خمس ايام وهي ماخلصت اغراضها وهي عيوني اللي اشوف فيها " خلصت من الدواجه والعرس وانا منهد حيلي .. لو اقولكم شي يمكن من قهركم مني ماتساعدوني ..:44: انا مااكلت اي شي من ادوية النفاس مع ان امي حبيبتي ماقصرت معي لاني كنت رافضه تماما اي علاج " بصراحه كنت حزينه على الولد وخصوصا اني اموت بالعيال " المهم لي الان اقل من السنه ... والمنطقه اللي تحت راايحه وطي :44:

*جربت العفص كبودره داخل المنطقه تاثيرها كان مؤقت وخربتني زود ..
* جربت الشبه * الحبوب الاندنوسيه * غسول الخل * غسول الملح * المره
وكلهم مافادوني ..

قراري الاخير كان اني اسوي عملية تجميليه واخيط :( والشكوى لله .. مع العلم ان الدكتوره الظاهر انها وسعتني وقت عملية التنظيف ولا علمتني لاني يوم فقت من البنج بغيت انهبل من الوجع والحرقان فقالتلي انك مرره ضيقه هلكتينا بالعمليه ؟؟؟
انا ودي انكم تنصحوني باللي تعرفونه عن العمليه اذا مافي بديل لها لاني بسويها عقب شهرين اذا نزلت لاهلي بجده .. كل وحده تتكرم وتفيدني باللي تعرفه ..
مستشفى زين .. دكتوره زينه وضروري تكون حرمه لاني لو الموت ماروح عند رجال استحي .. تكاليف عمليه مثل هذي .. برجع مثل اول ولا لا ؟؟ .. وش اسوي بعد الخياطه ؟؟ وش اكل وش اشرب ؟؟

مع العلم اني الان وانتم بكرامه اعاني من افرازات زياده .. اللي تعرف عن هالشي تعلمني وش ازين .. والله اني مفتشله من رجلي ..

واذا عندكم اي اشياء اقدر اسويها هالحين واجربها تكفون علموني ..

انا عارفه اني طولت عليكم بس انشاء الله كل حرف قريتوه الله يكتب لكم به اجر .. وانشااء الله ادعيلكم بظهر الغيب ..

ولكم مني جزيل الشكر .. اختكم الحالمه ..