ياليت جوجل ينحذف

انا مااحب ابحث لانه فعلا يجيب وسواس

حتى الدكاتره يقولون لاتبحثون بالنت لأنكم راح تتعبون نفسيا وصرت والله أبحث بس ماأهتم ماأخاف زي أول لأن يكتبون لك الأسباب وأنا أشوف الأسباب البسيطه وأتطمن لحد ماأروح للمستشفى

فعلا كلامك صح يخلي الشخص يوسوس

الله ياخذ قوقل طلع بنتي متلازمة داون 😂😂
انولدت بنتي رقبتها مشدوده من جهه
فبحث في قوقل ( رقبت بنتي مايله ) عاد دخلني على متلازمة داون ومصايب والله المستعان جلست ٧ شهور متوهمه ان بنتي متلازمه داون من قوقل الله ياخذه
مرضت نفسيا ودخلت حالة اكتاب
ولا خليت ممرضه ولا دكتوره الا وسالتها كلهم يقولو بنتك زي الفل بنتك طبيعيه وانا الا مصممه بنتي داون <<واثقه في قوقل 😂
ومره رحت عندها موعد تطعيم فقلت فرصه خليني اشوف الدكتور بينتبه عليها شي
طبعا كشف عليها كالعاده وقال خلاص روحي طعميها امورها تماما
قلت في نفسي غريبه مانتبه انها داون
جيت بطلع فسالته دكتور تشوف بنتي فيها شي قال زي ايش مثلا
قلت مثلا تلاحظ شي غريب او مريب
قال مش فاهم عليك بنتك زي الفل فيها اي ؟
المهم اعطيته السالفه وشكي 😂😂 والله يبنات على طول قال انت من بتوع قوقل امشي بنتك احسن واذكى منك
اتركيك من قوقل ووجع الراس اللي يجي من وراه
بنتي الحين عمرها سنتين كل ماتذكر السالفه اضحك على نفسي

ياربيه مت من الضحك على سالفتك🤣🤣
غريبه ماانتبه انها داون هههههههههه