ياليت حد يفيدني من بوظبي في الحلويات والبسكويت للاعراس

بسم الله

شوفي المحلات مثل فيفل اسألي البدالة عنه ناسيه في اي سنتر

او محل ايراني للبسكوت خلف المهيري سنتر ناسية اسمه

ممكن تمور الظفرة من مارينا مول

ممكن محل عند بستاش الخالدية مقابل شويترام كان اسمه سابقا الرفاعي والحين تغير

والسموحة

نسيت اقولج وحده اسمها نادية مصرية مسئولة الضيافة في الاتحاد النسائي تسوى حلويات للبيع اتصلي فيها

مشكوره يالغاليه ماقصرتي

وفرتي عليه الدوران والتعب


الله يجزيج الف خير

وقت الحنة رحت الى
(سي سايد) بالنادي السياحي قريب على أبو ظبي مول
الكيك عندهم روعة
و المعجنات من جمعية أبو ظبي مرتبة و روعة

رجعت لك مرة ثانية

جربي وروحي محل جديد اسمه ضيافة ومحل سميراميس

وفي محل عند الساعه اي غرفة التجارة والصناعة ناسية اسمه يبيع اشياء مصنوع منها التمر جربية

وابتعدي عن المحلات الغالية مثل باتشي وفوالة وبستاس وغيرها
جربي الاشياء الجديدة احلى وارخص وخصوصا انتى بتاخذين كميات للمكسار وحفلة الرجال والحريم

وفي مكسرات عند محمصة الامارات عند زهرة لبنان النادي السياحي
وفي حلويات عند محمصة اللوز في المرور جربيهم
وممكن تقدمين حلويات مغربية من زهرة الامارات المرور مخبز


سامحيني للاطالة ترى معرفتي مب شي
بس احب اجرب الاشياء الجديدة واطالع جريدة الوسيط :)))))))))