ياقلبي سرينا :

مرت الايام الانسان الفلوس بالقطاره .. ماعنده شي ومديون لين راسه من قبل يتزوجني يعني ماهو مستعد للزواج اصلا .. وكان يبي يتزوج لجل فقط يجرب الزواج انتو عارفين قصدي .. مسئوليه كبيره انا صرت متحمله كل شي صرت ابيع ذهبي واثث بيتي واشتري للثلاجه وامي صارت تجيب لي مقاضي زايده ابوي كل شهر يعطيني الف ,, والاخ اللي معي يشوف هالشي عادي وكان يطلبني من حافز لجل يسوي شغلات ويجمع للايجار ابغا ا عرف ليه تزوجت طيب ليه تظلم بنت الناس معك .. قلتها له مرا قلت له جوالي من قبل املك عليك اشتر لي جوال قال ماعندي قلت وليش اشتريت لنفسك جالكسي وايفون ... قال عادي فلوسي ؟؟؟ طبعا لا تعليق دخلت غرفتي ابكي .. وش عيشة الفقر ذي قال اسمعي اغنية حب الدراويش لو انك تحبين زوجك طبعا كلمات الاغنية يا حبيبي خذني معك لو تعيشني بكوخ ولا صندقه مابي ذهب والماس ابي قلبك .. برضه لا تعليق .. نقلنا من الشقه لانه غالي كان .. رحنا شقه اقل مرا تعبت صرت ابيع واشتري واثث بيتي واجمع وكل شي على راسي وهو بس يسدد الاجار والله يابنات لو وحده غيري ما تطلع الريال كان صارت الحاله تفشل لان بيته ماكان ماثث واهله يبون يجوني كيف استقبلهم والله يابنات قعدت فترة طويلة بدون مطبخ مركب ناكل من برا مدة 6 شهور واكثر ومطبخ مكركب وتخيلو راح طلع قرض واشترا سياره @@ طيب يا بعد قلبي في اساسيات اشتر مطبخ قال مومهم اطبخي بدون دوالايب قطعي بالصاله ولا اصبري رفع ظغطي والمشكله اني حامل .. المهم ماكان ذاك الي يهتم ويوديني اكشف على حملي ولا يراعيني .. يعني عاااااادي برووود ولا انتي هنا اهتماماته كانت سبيس تون باور حقت الشباب ولا يلعب اكس بوكس 24 ساعه يا بنات لدرجة كان يلعب لين ينام واليد في حضنه واجي اطفي اللمبه واللعبه والحفه واروح .. مريت بايام زفت ماهو حولي ولا يوديني مشاويري كل ما اقول شي يقول اخوانك يودونك انا مشغول وماعنده شي يانايم ولا يلعب .. بس للامانه ماكان راعي خراب بس راعي قلة اهتمام ومسوليه ويصلي في البيت .. بس جهل وعدم وعي وادراك .. ضحيت كثير وكان يتسلف مني وقبل يتسلف مني يجي يتصل كيف حبيبتي كيف دلوعتي ؟؟ اعرف ان وراه شي بس وقت المصالح .. وانا اخق اقوم اطلع اللي وراي وقدامي ياحليلي ضعيفة ربي ادور كلمة حلوة .. ...استمريت على هاالحال الممل .. فترة لين قربت الولاده .. ***** ** تابع

مرت الايام الانسان الفلوس بالقطاره .. ماعنده شي ومديون لين راسه من قبل يتزوجني يعني ماهو...