ياليت عندي كاميرا عشان تشوفون إبداعاتي بكيك الفرن

السلااااااااام عليييييييييكم

قبل فترة نزلت موضوع عن الكيك اللي بالفرن ومعاناتي معااااه ..

المهم .. صج صج صج ياليت عندي كاميرا عشان أوريكم إبداااعي بكيك الفرن

شيء خيااااااااااااااااااااااااااااااااالي ..
























:06::06::06:

اي خيالي ما يمر إلا علي أنا وأمثالي إهئ إهئ إهئ

سويت كل نصايحكم اللي قلتوها الفرن أشغله قبل لا أحط المحروسة فيه
وأخلط البيض عدل إلا صار هريسة مو بيض وحتى الخلاط غيرته وحتى الصينية غيرتها
وحتى الطحين غيرته .. وحطيتها بالرف الوسط وما فتحت الفرن عليها

ها تأكدتوا ألحين إن العيب مو فيني >> العيب من الكيك :35:
الكيك بالفرن أنا اسوي سلطات وصواني وحلا بارد وحلا قهوة ويضبطون الحمد لله>> خدمة التوصيل جاهزة

لا صج والله يضبطون الحمد لله معاااي ما عدا هالكيك المفرَّن >> ! وشي ثاني ما جربته اللي هو العيش >>الرز هذا مو وقته ألحين

المهم نجي للموضوع>> السالفة مطولة

سويت اليوم كيكة زين وطبقت نصايحكم وأبيها تصير ككاوية حطيت معاها ككاو بودرة من زود الإبداع يعني
وحطيتها بالبايركس
ومن زود الإبداع أيضاً >> خيالي واسع احم احم
حطيت معاه هيرشي شبس>>دموع الهيرشي قلت الله بسيح معاه ويصير شي ..

دخلتها الفرن >> أنا أشك إن فرننا اهو السبب >> والله حاقدة عليه من قلب:16:
ونطرت تقريباً 25 دقيقة وفتحتها وانتفخت لكن من صوب آخر يعني مكان صغير بس إلا هابط ومحترق
ياربي هذا وأنا مقصرة عليه وما طولت أصلاً هي,, وإلا جيت أتأكد استوت وإلالا ويطلع من النص يبيله اشوي
شغلت من فوق وصارت تماااااام

اطلعت بسلامتها من المستشفى اقصد الفرن وخليتها تبرد ربع ساعة جيت هجمت عليه قلبتها عالصحن
وإلا هبطت اشوي .. وطعمها الله يديم النعمة مدري ليه كأنها عجينة خبز أسمر ..

ليش أبعررررررررف ليــــــــــــــــــــه ؟؟؟؟؟ خليط جاهز وإلا بيت كله نفس الشي:06:
والمقادير اللي استخدمها
2ك طحين ك سكر روب سكانة زيت م ص بيكنج بودر 3 بيضات اشوي فانيلا وبس

عاد قلت أهلي ياكلونها ياكلونها خلاص بسَّي فشااايل مع هالكييييك
قطعتها دوائر بالقطاعة وقصيتها من النص ودهنتها كاكاو ولبستها كاكاو ودخلتها الفريزر ..

والله يعينهم اشوي عالطعم إذا راح ياكلونها
المهم ياكلونها ياكلونها مو مشكلتي .. المشكلة بالكيك يا جماعة صدقوووووووني
وخلاص ماراح اسوي كيك بالفرن أبداً أبداً أبداً >> لا تحاولون تقنعوني خلاااااص:hahaha::06:
وإي ع فكرة ترى ما صار لونها ككاوي تعرفون الخبز الأسمر نفسه بس ناقص ملح >> يالتني مسويته خبز معفوس مفروك اللي هو ..


بانتظار توجيهاتكم >> للحين تراني مو متحبطة يا أنا يالكيك:16:احم احم