ياليت كان الطلاق اخر احزاني

كنت احسب الطلاق حل ونهاية لكل احزاني ومادريت انه بدايه لاحزان جديده
كنت احسب ان الطلاق الشي الوحيد اللي راح يريحني من زوج ساخط مايعجبه العجب واهل يتدخلون بكل كبيره وصغيره ويحرضون على الشر
كنت احسب اني بمجرد ان اتطلق راح انتهي من هذا الزوج وماكنت ادري اني راح ارتبط فيه لآخر يوم بعمري بسبب اولادي
كنت احسب اني راح اطوي صفحة من حياتي وابتدي بصفحه جديده لاني ابحث عن الراحة النفسيه
ولسى بدري عالاحزان
انا يابنات طلعت لي امور كثيره ماكنت حاسبه حسابها ماكان بين عيوني الا الراحه الوحده لما تتطلق يابنات مايدمرها ويحطمها الا اولادها خاصة لما يكونو بنات
انا كنت اموت مية مره لما اشوف بناتي يبكون ومايبغون يروحون وابوهم يسحبهم سحب عشان يرضي امه كانت بنت اختي مره قاعده عندي وتشوف المشهد والبنت تبكي قامت تصرخ علي لا تطلع حرام عليكم مو لازم تروح وبنتي تبكي وانا ابكي بس ماقدامي الا انه تشيلها الخدامه لانه مستحيل ابوها يمشي ويتركها ومابي اخواني يتهاوشون مع ابوها وامي فيها ضغط وخايفه من عواقبها
كنت اتألم لما تقولي ماما ليش ماتروحين معنا زي خالتي فلانه وخالتي فلانه يروحون مع بناتهم
كنت اموت ببطئ لماتقولي ماما كلمي بابا يودينا المكان الفلاني ولماتقول لي ماما مين يودينا ماعندنا احد
وكثير احس بالقهر لما تقول لي ماما عماتي يقولون لي اللي ماعندها ام ماتروح للمكان الفلاني ولا ترا فلانه مو امك انا امك او فلانه امك ولا امك مو حلوه وربي بيحطها بالنار وامك جرثومه وامك نبغى نضربها بالعصا وغيره من هالكلام اللي يحطم بنتي ويحطم ثقتها بنفسها وفيني
انا قبل اتطلق كنت بحكم خوات زوجي كانو هم اللي يتحكمون بحياتي وين اروح وين اجي لان زوجي كان ضعيف شخصيه وفوق هذا كان يروح يوميا لامه ويحكي لها كل شي صار لنا من الصبح لليل حتى الاشياء اللي ماتنقال
كنت استغرب لما اجيهم ويساالوني صلحتو الدرج الفلاني او ليش اوراقك ماقبلوها او ليش ماتخلو الخدامه ماتنام بالمكان الفلاني او فلان مايحب الحرمه اللي ماتتلبس لزوجها او ليش ماتتغدين مع زوجك
وياليتها عالسؤال وبس كان ماهمني المشكله بتحريضه علي تصدقون انه خواته يكلمونه اخر الليل وهالشي مو يوم او يومين هذا اربع سنوات على هالحال ولما نزورهم ليش متسوي كذا وليش ماتروح لكذا وليش بنتك كذا
بنات انا مو ندمانه على طلاقي لكن حاسه بتأنيب الضمير عشان بناتي لانه الحين ماينامون الا ماسكين يدي وشعري ومين يدري بكرا ياخذهم مني شلون اقدر انام اوارتاح
اسأل الله العظيم رب العرش العظيم ان يجعل لي من كل هم فرجا ومن كل ضيق مخرجا