ياليت نستفيد من هذه القصه اللي مرة فيها اختنا

انا عضوة معاكم هنا متجوزة من 3 سنين ومعايا ولد عنده سنة ونص اتجوزت جوزي عادي جواز تقليدي هو انسان متدين ومحترم

واستخرت ربنا واتجوزنا وحياتنا مستقرة وكويسة وبافضل مايكون وهو مش مقصر في ولاحاجة الاكل مليان في البيت وحتى

جايبلي شغاله تيجي تنظف 3 مرات في الاسبوع ومفيش حاجة احتاجها انا وابنه الا والاقيها

بيجبلي هدايا بمناسبة او من غير مناسبة اهله كويسين جدا معابا وبعامل مامته زي مامتي بالضبط المهم من شهر تقريبا

اتصلت عليا واحدة على موبايلي وقالتلي انه جوزي متجوز من 6 شهور واديتني كزا امارة وكل يومين كدا حد يتصل يقولي انه

جوزك بيفسحها جوزك في المكان الفلاني معاها ومرة يتصلوا فيا الحقي جوزك وده بنتها في احسن مستشفى في مصر

لغايه مازهقت وغيرت نمرتي

طبعا دورت ورا الموضوع ولقيت انه اتجوز فعلا واحدة كان خاطبها قبلي لانها اترملت وعندها بنوتة والي فهمته انه بيصرف عليها

هي وبنتها انا موقفي كالاتي ماخلتوش يلاحظ عليا اي تغير لغايه مااهدى قررت اني اتصرف كالتالي طبعا قربت جدا من ربنا

اكتر من الاول وضاعفت قيام الليل مش عشان هو يرجعلي ولايطلقها لا خالص عشان نفسي وعشان انا اعصابي تهدأ

ومأيثرش على نفسيتي وابني وهو اتقربتله اكتر عشان مايحسش باي حاجة المهم عارفين ايه الي مضايقني يابنات

انه ماقاليش حيتجوزها عارفين لو كان قلي كان حيكبر اوي في نظري واعتقد كنت حاقبل لانه مش مقصر في حاجة وده شرع

ربنا يتجوز زي ماهو عايز بس مايحطنييش في موقف زي ده كل شويه حد يتصل عليا ويحرق دمي

مر على معرفتي لغايه دلواتي شهر تقريبا الحمدالله هديت اوي وكل يوم باقرا جزئين واحيانا اكتر

انا ماكتبتش الموضوع عشان حد يشور عليا اعمل ايه لا ابدا انا كتبت الموضوع عشان محتاجة دعوة منكو انه ربنا يثبتني

على موقفي وماعملش حاجة تنقلب عليا سلبا وبصراحة لما اشوف مواضيع كتير هنا في المحتارة بحمد ربنا اوي

جوزي عمره ماجرحني ولا قلل من احترامه ليا ولاعمري سمعته بينتقدني بالعكس لسانه حلو واسلوبه محترم جدا

والواحد في النهايه مستحيل حياخد كل حاجة وازا كان ده ابتلاء فده اخف ابتلاء ممكن يصيبني الحمدالله انه ربنا مابتلانيش لا

بمرض ولا في ابني وتاني سبب خلاني اكتبلكو انه اي واحده في مكاني عرفت انه جوزها اتجوز او على علاقه ترجع لربنا

الي مع ربنا عمره مابيندمش وربنا يرفع عننا كلنا ويريح قلوبنا ويصبر اي واحدة في مكاني يااارب


عرفت انه اتجوز بس ماقلتلوش (توضيح)


عرفت انه اتجوز بس ماقلتلوش (تطورات) منقول1