ياليت وحدة من ال سعود بينا وتجيبلي خبرها

الحاصل اني جبت شغالة اندنوسية عمرها تقريبا45هي طيبة وما عليها بس تحكيني قصتها وبصراحة مني مصدقتها تقول ان امها وابوها كانو يشتغلو عند الامير نايف في الرياض وصار لهم حادث وماتوا عاد الامير رباها وعاشت عندو وكانو يوم يسافرو ياخذوها معهم وهي عمرها 5سنوات وتحكيني انها سافرت دبي وعدن وماليزيا وتعددلي بالبلدان كله مع الامير وكانت تلعب مع عيال الامرة كورة وكبرت الاندنوسية وصار عمرها 18سنة عاد الامير بيزوجها الضاهر واحد من العبيد وقالت لي لقبه بس هي رفضت لانها خايفة وما تحبة وقالت للامير انا بروح واشتغل خادمة وراحت وتقابلت مع عريس الغفلة وحبته وحبها واتزوجو وجابو الصبيان والبنات والان هي تشتغل عندي سالتها عندك اقامة قالت ايوة بس انسرقت وما طلعت ثاني طيب ليه ما طلعت ثاني مهي ممكن ما تخسر شي مدام لها علاقه بالجهات العليا كان ممكن يطلعو لها من غير ماتدفع شي هذا شي -------الثاني توريني صور لاوراق رسمية لديون وبطاقات لحريم ورجال طالبين من الامير يسدد ديونهم وبعضهم تقول الامير يعطيهم 3الف كل شهر على عدد العيال مساعدة للاسر المحتاجة وبس الصور ما احس ان الاشخاص محتاجين وكانت تقول لي اعطيني ورق مثل كذا انا اوصله للامير ويعطيك فلوس وان هي تحب تسوي الخير بالرغم من انها واضح علي اني مني محتاجة بالله كيف يعطي الامير فلوسه كذا للي يسوى والي ما يسوى -------------ومرة تكلم بالتلفون وحاطة الجوال على المكبر وكانت على الطرف الثاني حرمة لهجتها جداوية وتكلمها وتقول لي هذه الاميرة نوف وانا ابغى منها تجهز لي صدقات وكانت المكالمة تدور في ان الاميرة تقول لها تعالي خذي الحاجات وانها جهزتها لها ---------عاد لما قفل الخط سالتها من هذه قالت بنت الامير سلطان متزوجة الاميرنواف بن فهد الله يرحمه وهي بنت عمة والزوجة الخامسة له وسالتها وين ساكنة جلست توصف لي مكان قصرها في جدة وتقول لي هي الان كبيرة مثلي بس واحنا صغار كنا نلعب سوى الان احنا مثل الصديقات كل بعد فترة اروح ازورها -------احسها تتكلم بثقة وتجاوب على اسالتى من غير ما تاخد لها فترة تفكير وتجيب لي اسامي للامراء ومناصبهم وهي فعلا حقيقية يعني انا خلفيتي عنهم مهو مثل الاندنوسية هذه ---------ويوم صحبتها الاندنوسية مسكتها الشرطة واتصلت على واحد من الي يشتغلو عند الامير وراح التوقيف ونزلها----------الان بالله كيف شغاله ولها سلطة تجيب للناس مساعدات كان ساعدت نفسها اولى ---------زوجي يقول لي شكلها تبع عصابه تبغى تلهف منك شي للعلم تاخد على الواسطة الفين ريال -----قلت والاميرة الي كلمتها قدامي قال ليوش دراكي انها اميرة يمكن متفقه معها من تبع العصابة نفسي اعرف هل صدق الي حاصل ولا هي فعلا عصابة لتسوي في شي ---------انا جاياها من الي تشتغل بالشهر لاني حامل خايفة منها الان ومافي شغالات لو فكرت افتك منها خصوصا انها تعرف تطبخ -----------------بعدين ليه تشتغل عرقها حن وسنحان الله كبرت وصارت على خطى امها وابوها
----------------------رجعت وكملت السالفة وش رايكم