والله كأنك تتكلمي عني انا كمان ما انتبهت لمعلمة بنتي حتى نفس الرد من المعلمه علي كنت مستغربه تصرفها معي ونا لا اعرفها ولا تعرفني وكنت حالي حال الامهات اعطيها هدايا بس لما زاد الوضع عن حده وبانت لي تصرفاتها صرت اطنشها ولا علي منها
بطلت اجاملها واعطيها فوق حجمها هي مجرد معلمه لبنتي تعلمها وتستلم راتبها مو من واجبي اكسب رضاها واذا عاملت بنتي بشكل مو زين الله حسيبها

والله انكم تحزنووون 😂😩 ..

عنها ماااارضت حدها معلمه اولى انتي ذاكري لبنتك واهتمي فيها والمعلمه بالطقااق ، ترى بعضهم اذا شافتك تعتذرين وتتلصقين تزودها بالجفاا اعتبريها هي والجدار واحد ..

(( هدايا العمال غلول))

اتوقع والعلم عند الله انه مجرد اوهام
مو معقول بسبب قروب تحقد عليك
وسالفة ماتعطيك وجه والله المعلمه في تعب عظيم ماتحسين به انت ياالام
لانك تردين على وحدة اللي هي المعلمه
وهي ملزومه ترد على عشرين وحدة من الامهات
انا مشتركه في قروب الامهات وبنتي في اولى
كثير الامهات يسألون ويستفسرون مع ان المعلمه تنزل كل شي واضح
ولكن الا يجيها استفسارات تغث لان كل شي واضح
واحيانا المعلمه ترد وتجامل واحيانا تطنش
هي ترى ام وعندها مسؤليات بيت
مو متفرغه للطالبات في الصباح وللامهات في المساء
ارحموها ولاتظنون ظن السوء
يكفي انك تذاكرين لبنتك وتهتمين بها وبنتك تمشي زين في الدراسة ولا على بنتك ظلم بين
وباقي الاشياء طنشيها ولاتهتمين
لأن مافيه احد مهتم وكل مطنش

هههههههه شيء مضحك تحط عقلها بعقول الصغار والبنت ماسويت شيء.. انتي اهتمي بمذاكرة بنتك وخليها تتابع دروسها اول بأول.. انا نادرا اسأل في القروب بس اشوف المعلمه شوتكتب من واجبات واختبارات.. فقط.