انا مع الكلام الي قالته الاخت سعادتي على سجادتي الله يسعدها بعد عين الام والاب وين تروحين الله لايحد اي بنت على العيشه ببيت الاخوان اكيد اخوانك بيحبونك وبيكرمونك لانك اختهم من دمهم ولحمهم وعرضهم .. بس برضو بتسبب لهم بمشاكل مع زوجاتهم مهما كانت زوجة الاخ تحبك وتحترمك اذا سكنتي عندها غير لانها مابترتاح ببيتها وانتي موجوده خاصه باللبس والطلعات لان فيه بعض الحريم ماتحب احد يعرف انها طالعه للمكان الفلاني والا المنتزه الفلاني .. وهذي غير الرومانسيات الي هابين فيها هالايام يعني الوحده تحاول تنوم عيالها بدري او تصرفهم عند اهلها عشان تسوي ليله رومانسيه هي وزوجها .. الله يوفق بنات المسلمين ويرزقهن الازواج الصالحين ويرزق كل محرومه الذريه الصالحه عاجل غير اجل :)

الله يرزق كل من تتمنى الزوج الصالح والذريه الصالحه

انتي صغيره عشان كذا تقولين الكلام هذا
ولاانتي حاسه بشي اسمه عنوسه لانك بعيده عنها

انا يوم كنت بعمرك ماكنت افكر بالزواج نهائيا واهلي بعد يقولون انتي صغيره مستحيل نزوجك بهالعمر

الحقيقه مابديت افكر بالزواج الا بعد ماتعديت الثلاثين

بعد السبب في الناس صارو كل مايشوفوني يسالون
ماتزوجتي ؟الى متى ماتتزوجين ؟ وش تنتظرين اللي كبرك عيالهم بالمدارس ومن هالكلام....على بالهم النصيب بيدي مايدرون
ان النصيب بيد الله

حبيبتي
المشكله ماهي فينا المشكله بالمجتمع اللي مايرحم

انا بالنسبه لي الوضع جدا عادي ولاني متضايقه بالعكس يمكن خيره لي تأخير الزواج
يقول تعالى (وعسى ان تكرهوا شيئا وهو خير لكم...)
والله يوفق الجميع لما يحبه ويرضاه

اول شي ما في وحده ماتبي تتزوج و يكون لها مملكتها الخاصة فيها و تعيش براحه و استقرار
بس ليش احط يدي على خدي و كل تفكيري متى بتزوج ؟؟البنات الي بعمري تزوجوا و انا لا؟؟
صحيح انه شي يحز في الخاطر و خاصة اذا الوحده تقدمت بالعمر و الي كبرها عندهم عيال
بس ليش اشغل نفسي و أعيش في هم و حزن و اكتئاب على شي انا مالي يد فيه و ربي كاتبه لي
يعني اذا حزنت و قعدت ابكي كل ليله بيتغير الوضع ؟! بنخطب اليوم الي بعده ؟!
اكيد لا
عشان كذا يحاول الواحد قد ما يقدر يتعايش مع الوضع الي هو فيه الما يفرجها ربي
و هو الوحيد الي يعرف الاقدار و مقسم الارزاق

ارجع اكرر لا تحزنين على شي مالك يد فيه و لا احد من البشر يقدر يغيره

اوووه اخذت راحتي في الحكي :) اعذروني
و الله يرزق الجميع

علمت رزقي لن ياخذه غيري فاطمئن قلبي

يا رب ارزق بنات المسلمين الزوج الصالح

يا رب استرهم فوق الارض وتحت الارض ويوم العرض عليك

يا رب سخر لهم الزوج الصالح كما سخرت البحر لموسى