ياليييت هذاك المطلق مامر بسيارته من عندي ويااليتني ماشفته 😓💔

صباح الخير للي موجوين واللي راح يتواجدون بموضوعي
هذي اول مشاركه لي وحددت هالمنتدى اعرض مشكلتي لانه اكثر تجمع نسائي واسال الله العظيم ان يجمعني واياكم بمستقر رحمته
بدايته انا تطلقت ظلماً عشت ايام من الزاوج حتى عدوتي ماتمنى لها هالشي مابي ادخل بالتفاصيل ويطول الموضوع لكن لكم ان تتخيلون كانت طموحاتي تعانق السماء بزواج ناجح واسره واستقرار وابتليت بزواج جامع كل بلاوي الدنيا منافق ظاهر بمظهر ايماني جيد ومن يعاشره مايقدر يجامله يوم استهزاء بالدين جمع صلوات وادمان واتهامات و.....الخ
تطلقت بعد 7 اشهر والحمدلله ربي ماكتب لي حمل
ماحاولت اكسب تعاطف المجتمع ابداً وقتها كنت مخلصه دراستي الجامعيه نهضت بنفسي ودخلت وقتها دوره مكياج وهالشي ساعدني اكون انسانه بكامل اناقتي ومظهري جيد بالمناسبات علاقتي بالجميع مبنيه على الاحترام والتقدير ، عشان كذا ماواجهت اي استنقاص من المجتمع لي حتى تلميحاً


المشكله :
يابنات دخلت بحياتي شخص والله مايدري عن هوى داري ، متاكده ان اللي يحصل معي ابتلاء ولا انا وين وهالسوالف وين ؟!
كنت من اشد المنتقدين على اللي تحب قبل الزواج
سالفه هالشخص هو قريب لنا بس قرابه بعيدين اللي مانشوفهم الا بالمناسبات لكن بنفس المنطقه مر بسيارته بمجمع منزل خواته عرفت بنتهم الصغيره وينزل عربه بنت اخته من الشنطه الله لايعيده من يوم
يوم رجعت البيت مدري حسيت بشعور غريب شعور ان بيني وبين هالشخص توافق مدري كيف اوصف لكم هالشي هو مطلق ونفسي بدون اطفال( زوجته تزوجت بعده ) عشان تعرفون اني يوم دخل براسي ادري انه مستحيل يرجع زوجته
كذا حسيت هالانسان مكتوب لي ، عاد اللي زاد الطين بله استرجعت ايام طلاقي انا اتذكر يوم تطلقت امه تعاطفت معي مرره
يابنات والله من يوم دخلته بمخي وانا مهلوسه فيه وربي الله ياخذني اذ انا ابالغ تخيلوا لدرجه رسمه حياه كامله متكامله معه
من نقص عقلي واعترف انها نقاصه عقل بالاعياد نتواجه حنا واياهم ، من الان صرت اهتم بنفسي عشان اكون باحلى صوره قدامه امه وخواته
انا وشلون اطلعه من حياتي شي ماهو بيدي وش هالبلوى ياربي اكره شي اسمه انتظار واني اعالق امالي بشخص بس سبحان مقلب القلوب انا ماحكيت لاحد هالشي بس حاولت اجلس مع نفسي قلت ممكن لاني طاقه روحي على الزواج واني اضم طفل بين يدي وابي هالشخص تحديداً
( بنات انا ماحب هالطبع فيني لاني اعاني كثير طبعي اذ بغيت شي اوصله والله يابنات كثييير اشياء ابيها وصلت لها حتى لو واجهتني صعوبات )


مدري وش هالشي اللي يصير معي انصحوني طلعوا وين الخلل ابي اعالجه