يالي مجربه :تنصحينا بغسالة الصحون؟والا لا

والله شوفي يالغاليه....
انا عانيت بصراحه سنين من غير غسالة صحون سودت ايديني واخشنت وصارت مثل ايدين العجوز لا وفي الشتاء معانات ثانيه بصراحه وما اعالج ايديني الا بكورتيزون من شدت الحساسيه
والحمد لله جتني الخدامه الصامته اللي ما تتكلم ولا تشتكي ومرررره توفر ولا ترفع الضغط ولا هم يحزنون وبصراحه ارتحت الحمد لله بس عشان تعيش عندك سويلها صيانه كل ست شهور وعطيها عشان تعطيك يعني اشتري لها احسن صابون واحسن شامبو واحسن ملح لا تشترين الرخيص عشان ما تخرب (اصلا تستاهل الغالي )
واهم شيء لا تنامين وفيها مويه عشان ما تصدي يعني خلي بابها مفتوح عشان تتهوى
وقبل لتدخلين فيها الصحون سوي شطف خفيف عن بقايا الاكل عشان ما يسدها
واذا شريتيها بتدعين لي لانها بصراحه احسن من الشغاله >>تشتغل وهي ساكته وما تقول شيء وما تتعب من الشغل لا وتغسل لك الصحون باالمويه الحاره يعني تعقمها لك وتنشفها بعد بس ما تغسلين فيها القدور (الطناجر) ولا الاشياء اللي فيها (مثلا لون ذهبي او فضي او الوان )
واسفه على الاطاله بس ذكرتيني بمعاناتي السابقه

شوفي أختي

هي مثل العامله لها حسنات ومسااويء

الحسنات
تعقم المواعين وتغسلهم لك بالمااء الحار ...

انتي بس اشطفيهم بالموية شوي وبعدين صفيهم بالغسالة ومتى ماحبيتي تشغلينها شغليها ..

مساؤيها :

ماتغسل كل الاولني الموجودة بالمطبخ ..
لازم تصفينهم بشكل مرتب حتى ما تتراكب ولا تنغسل زين ...
صابونها وملحها مخصص ...

من وجهة نظري اذا ما عندك خادمه افضل الغسالة أكيد

هي مب حل جذري
يعني ماتقارن بغساله الملابس لاتوماتيك
بس تساعدك كثير بالمطبخ خصوصا بالمناسبات
وحطي ببالك ان المواعين يلزمها تنظيف بقايا اطعمه وترتبينها بالغساله

طيب يا بنات انا ودي استفسر
هل فيه احجام صغيرة من غسالة الصحون؟


وتكون للإستخدام البسيط ..
يعني صحون واكواب مو طناجر واشياء كبيره!

اما انا بالنسبه لي اكثر شي ندمت عليه اني شريتها مواعيني ما فيها لمعان عكس ماتقولون وريحتها ماهي حلوه واحيانا الاقي بعض الصحون ماهي نظيفه غير يروح نص الوقت وانتي تصفين اقول يازين السطل تعبينه مويه وصابون وتغسلين فيه المواعين قديمك نديمك ,,,,,,,,