يامال الوجعه

مسا الخير ياكلكم

وش لونكم وش لون شوشكم

انا شوشتي تسلم عليكم وتقول اني بخير دامني بعيده عن خرابيط منتداكم

وتجاربكم اللي ماتخلص.....

المهم ×× ترا ماعندي شي افيدكم فيه بس منقهره وجيت افضفض

السالفه اني انا وصديقاتي من تخرجنا ماشفنا بعض

تعرفون اللي تعرس واللي تولد واللي تاكل هوا واللي تنضرب على خشتها

المهم تواعدنا بالبرجون وتجمع الجمع الغفير وتعرفون بعض الحريم ملاقيف قاموا

يخمخمون علينا من خمام الكليه من هنا وهنا وناس مالهم داعي وناس ماصدقنا

نفتك من خششهم..ومن هذولا الناس اللي مالهم داعي وحدة نجسه وحسوده

الله يهديها جابتها وحده من الصحيحات اللي معنا<طبعا بسكوت مالح غسلتها غسل>

على اللقافه..عاد هذي الغير مرغوب فيها<بأدب> اخبرها ايام الكليه شعرها مثل

هذا واردا :28: لكن يوم شفت شعرها رووووعه بنت اللذين ويللللمع

قلت لها وش مسويه بشعرك يافلانه قالت : ماسويت شي يمكن العرس

غيره: قلت لعن ابو بليستس العرس يزين الشعر؟مادمر شعورنا الى العرس

اخلصي وش مسويه بفلافلك<عاد انا مرجوجه كل ماأجرب شي ويصلح بشعري احط

اعلان واحسب الناس مثلي>عاد هي كل شوي تضيع الموضوع وانا قاعدتنلها

وناشبتن ببلعومها بلا حسد بلانجاسه. وكل شوي وهي مضيعتن السالفه< اهبي>

وانا قاعده له .وهي تسولف< امحق سواليف > قالت حنا بكرى عازمين ناس

والعشا بيتكفلون فيه مطاعم يامال الشام...واثناء سواليفها اللي تلوع التسبد

(حسبي الله على الملقوفه اللي علمتس اننا طالعين)

وهي تحكي قلتلها ..هاه يافلانه ماقلتي وش مسويه بفلافلك القديمه..قالت ..

والله ان يامال الشام رهيبين..قلت ..يامال الشام ؟ قالت : ايه.

قلت : اقول يامال الوجعه