ياماما بردان ايش اسوي :(

صباح الخيرااات

يابنات بحكيلكم كلمات اليوم ابني قالها لي اثرت فيني

صحي الله يحفظه في الصباح وجا لعندي يجري وهو

لابس ملابس شتويه تدفي لانه بيتي بارد والحمدلله

لابس جكت بعد .. جا ابني وهو يجري لحضني ويقولي

(( ياماما بردان ايش اسوي))

اخذته بحضني ودفيته شويه وضحكت كل هذا الي لابسه

وبردان وبنفس اللحظه قلبي عورني على الاطفال الي

اهاليهم ماعندهم امكانيه يشترون لهم ملابس في الشتاء

شلون بتكون مشاعر الام اذا شافت اولادها يشكون البرد

وهي مابيدها شي ... ومن هنا حبيت اكتب هالموضوع

واطلب من الجميع يابنات اتصدقو بملابس اطفالكم القديمه

الشتويه احنا داخلين على برد شديد حسو بالناس الي ماعندهم

المبرات الخيريه موجوده يعني حتى الي مايعرف احد محتاج

ممكن يودي الملابس للمبرة .. اتمنى منكم تقومو وتفتحو

دواليب اطفالكم وصدقوني الا مارح تلقو شي زايد عن الحاجه او قديم

او قصير ... والله يكتبه اجر للجميع