ياما ناس توظفو بالواسطة وهم ميح بالأنجليزي

و أخيرا حد اتصل بي , مب مصدقة أني راح أخوض أول مقابلة عمل , برغم أني رافضة فكرة العمل في مكان تقطع لاجله ساعات لحين ماتوصل . بادية المقابلة كانت مع مديرة القسم , تخليت عن مبادئي و أتكلمت عن نفسي بالأنجليزي و أكره شئ شخص عربي يطلب مني أني أخاطبه بالأنجليزي. ماطولت وياي و جتني واحدة ثانية تقابلني و الحمد لله كانت حماسية فب الطرح و التفاعل باللغة العربية.
عقب فترة بسيطة تفاجأت بأتصال ! معقولة توظفت بها السرعة... طلعت مقابلة ثالثة , بس ها المرة ريال و سويت اللي علي بس ضايقني سؤاله هل تجيدين الكتابة بالغة الأنجليزية؟ تري كل مراسلاتنا بالأنجليزي... قلت بخاطري : صبركم علي بس أتوظف ... هذا و حنا في عام الهوية. جت موظفة رابعة تسوي مقابلة بعدها طرشولي مسج إنهم مستغين عن خدماتي!

ثاتي مقابلة لطعوني أكثر منم نص ساعة مع أن مافي حد غيري و لسان حالي يقول اللي ترك داره قل مقداره , بس شو أسوي , إذا داري ماعرفت مقداري ... الجو هني اختلف غرفة شبه مظلمة و طاولة طول و عرض .. السؤال الأول : هل انتي متفائلة؟ خاطري أعطيهم درس في التفاؤل بس أختصرت و جاوبت علي قد السؤال . الحين سأل السؤال الكريه: كليمني عن نفسج بالأنجليزي !!! لا حول و لا قوة الأ بالله ... مضطرين نعيدها , بعدها مأدري شو صار لي , الريال يعيد السؤال مرتين و عقلي شطب و خربت السالفة ..... المهم الريال غير مسار الحديث الي لغتي الحبيبة بس دخلنا في متاهة من نوع ثاني... أكمل غداأيش صار ... الحين ينادوني... بنتريق ...