يامتأخرات بالحمل نصيحه لوجه الله

انتم تركضون وتركضون عشان الذريه يابنات يابنات
اطلبو اول شي رضاء ومغفره من الله ايوب عليه السلام مرض كم عام وعلاجه فقط بالماء البارد يعني ماهو شي صعب يعني بعض الاحيان يكون علاجك سهل مره مايحتاج تعقيد حتى لو قالو كل العالم مافيه امل تخلفين عقيم ربي امره بين الكاف والنون اتركو اليأس لانه من الشيطان اختي لها 20 سنه اركضت داخل وخارج المملكه من مستشفيات وحريم ومشايخ ونست تطلب رضاء الله وتستغفر والله لها عشرين تركض ركض لكل مكان بالنهايه تعبت ولجأت إلى الله ليش مانلجأ إلى الله قبل كل شي وبعده صدقوني ربي يهديگم ويدلكم على علاج كل وحده فيكم
المهم اختي الحمدلله بالنهايه ربها رزقها وخلفت يالله لگ الحمد والشكر لله وماشاء الله لاقوة إلا بالله
فعليكم اتباع مايلي
الزمي الصلاه على وقتها واذكار المساء والصباح بعد صلاة الفجر وبعد صلاة العصر وقت الاذكار وسورة البقره كل ثلاث ايام واذا تقدرين يوميا وصلاة الوتر واربع ركعات الضحى تسلمتين تسلمتين والاستغفار والاستغفار والاستغفار والاستغفار والصدقه والله باذن من الله ان تشوفين الرزق يجيك من كل صوب عيال ومال وصحه ماهو يكفي قولة الله تعالى فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10) يُرْسِلِ السَّمَاء عَلَيْكُم مِّدْرَاراً (11) وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً (12) مَّا لَكُمْ لَا تَرْجُونَ لِلَّهِ وَقَاراً (13) وَقَدْ خَلَقَكُمْ أَطْوَاراً (14)
واللي تقدر تصوم بعد تصوم واللي تقدر تكفل ايتام تكفل يعني باختصار اطلبي رضاء الله باذن الله ربي يرضيگ واذا نمتي على فراشك اكثري من قول
لاحول ولاقوة الابالله
وافوض أمري إلى الله إن الله بصير بالعباد
وحسبي الله والنعم الوكيل[/
تعلمين الغيب انو احنا ياءسين
ونركض ورى الاطفال لانهم نعمة من الله تعالى زيها زي الي يركض ورى الوظيفة ووو( المال والبنون زينة الحياة الدنيا )
والحمدلله نصلي ونعرف نطلب ربنا


وفري نصيحتك لنفسك ، محنا محتاجين احد يعلمنا كيف نطلب من رببنا
رب لاتذرني فردا وانت خير الوارثين

الله يهديك انا ماقلت لاتركضين وراء الذريه انا قلت قبل ماتركضين اطلبي رضاء الله والمغفره منه وربي راح يهديك إلى علاجك ابعطيك مثال لو جتك وحده قالت لك ياانثى راقيه يمدحون الدكتور كذا وكذا بمستشفى كذا وبعد يومين تجيك وحده وتقول يمدحون الشيخ الفلاني بالمكان الفلاني وتجيك من بعده ووحده تقول يمدحون الممرخه الفلانيه بمكان كذا وكذا وهذا انتي تركضين وراء اقوال بشر مثل ماتعبت اختي انا انصحك ابيك توقفين عن هذا كله واطلبي ربك واتبعي مثل ماقلت ورب العباد راح يدلك هو على علاجك فهمتي الله يجزاك خير

فاهمة لكن ماعجبتني الفاظك كان اخترتي اسلوب والفاظ احلى في النصيحة

جزاك الله خيررر
بس موضوعك جاء ع الوتر الحساس ماقصرتي كفايه شعرتي فينا وكتبتي موضوع وبالعكس البعض يبغى قرصه أذن والدين النصيحه
ان الذكرى تنفع المؤمنين

جزاك الله خيرا ي اختي ع النصيحه وربي يكثر من امثالك
اللهم ارزق كل محروم بالذريه الصالحه