والله كله كوم والي تكتب قناع للمتزوجات والا طريه لشيل الحلاوه والا عطر يوووووه والقى الكل ممكن يستخدموه حتى بنت 13 سنه
يصير التفكير محصور في الزوج الوحده لازم تخلق لنفسها اهتمامات بعيده عنه لان الرجال يكره المراه الي كل همها هو والي يحس ان حياتها تدور حوالينه
شوفي الي دائما تلاقين زوجها يحبها هي الثقيله الي تحسسه انها واثقه من نفسها وانها انسانه لها كيان حتى لو ركبها فحم

السلام عليكم ورحمة الله وبركاته

قبل كل شي اهني انجل ايز صاحبة الموضوع على العقل الراجح والايمان بقدر الله الله يسعدك حبيبتي ويكملك بعقلك وينور بصيرتك
الشي التاني انا سبحان الله عندي حب للصفحة الاخيرة في النقاش عشان اعرف فين وصل... وكالعادة اختلاف الرأي وسوء التفاهم من الامور المستمرة باستمرار الحياة...
كلامك ما راح اعقب عليه لانه ما شاء الله يعلق عن نفسه...
لكن بعض البنات ثقافاتهم تختلف وفهمهم للموضوع يختلف ومشكلتنا نحن النساء بالتحديد عاطفيين يعني ما نعرف نوزن الامور ... بمعنى لما تدخل وحدة تكتب موضوع زي اختنا انجل ايز ... تفهم التانية ان البنت لاي كتبت تنفي الراي الاخر تماما وكانها قالت انه لا يجوز للمراة التزين لزوجها!
بينما هي ما قصدت هذا ولا تطرقت له... هي تتكلم عن الفكرة بعد ما (اتمسخت) يعني بعد ما صار فيها الافراط وليس معنا قولها الرجوع للتفريط لأن كل معارض للخطأ لا يعني الوقوع في خطأ اخر او ينادي لخطأ عكسي.... فهي تحب التجمل ولكن قصدت عدم التحول الى الة تتجمل وتنسى ان سبب نفور الزوج قد يكون من امر اخر في شخصيتها هو اكبر واهم من شكلها وبالتالي يكون المفتاح اسهل عليها وهي ماهي عارفة وجالسة تجرب مفاتيح تانية طول العمر...
النقطة التانية الي اضيفها بعد اذن حبيبتي الكاتبة...


يابنات في شغلى خطييييييييييييييييييييييييييييييييييييييرة هي الي ساهمت في تنفير الرجال منكم
وهي الي خلتهم يدققوا ويقارنوا...
انكم لما بتشتكوا من مشاكلكم وتوصفوا انفسكم بمسميات سيئة تحبيطية تحطيمية كل اوصافكم ياريت تكون فيما بينكم
لا تتوسعوا في ذكر الامور لان الرجال لما يقرؤا الي تكتبوه ولما يقرؤه على رسائل الاس ام اس زي على قناة البداية طبعا كدا كانكم تقولولهم ترى في عيوب مدفونة انتوا ما تدروا عنها مختلفة عند غيرنا من الفنانات
فتخلي الرجل يتزوج وهو كون فكرة ان اللون الغامق عيب وان الهالات عيب وان التشققات عيب...
يعني ثقافة الرجال وفكرتهم عن لجمال تلاتة ارباعها من صنع المرأة نفسها هي الي توحيها للرجل
راح اختم بمثال صغير جدا...
وهو طريف ولا يعد مشكة ولله الحمد ولكنه ابسط مثال اذكره وصار معايا شخصيا..
انا عندي شوية تشققات زي اي وحدة وعندي تفاوت في اللون ... وزوجي ولله الحمد يعرف عيوبي ولكن حسب ما اعرف مفهومه وحسب نظرتي له وتفهمي لطبيعته هو (((((وعلى فكرة اغلب الرجال كدا ازا مو كلهم-ماعدا المعقدين)) يهتم بالشكل العام مش بالتفاصيل... يعني الشياكة النضافة الترتيب وزي كدا.... مرة كنا جالسن على التلفزيون وهو ما كان عنده من حتى قبل ما يتزوج الوقت الي يسمع او يشوف برامج تتعلق بالبشرة او النساء... لكن مرة جلسنا وقناة البداية مفتوحة
كنا نتفرج وانا حامل بشهوري الاولى... طلعت وحدة كاتبة في الرسائل اسفل... بنات الحقوني ايش العمل في كلف الحمل
مو راضي يروح وصارت توصف ان الوجه لون والرقبة لون والجسم لون
طبعا هي مافي شي انها تسال وتطلب الحل.... بس الطامة الكبرى لما تقول دا الكلام والازواج والرجال كلهم تتفتح عيونهم على كلف الحمل...والطامة لاكبر لما تختم كلامها وتقول : زوجي يقول اش فيه وجهك كدا مبقع .... الخ
تعرفوا زوجي ساعتها اول رد فعل بريء وعفوي وطبيعي عمله
؟؟؟؟؟؟؟؟؟؟





























دار وجهه يطالع فيا وسالني انت طلعلك كلف حمل؟ فينه؟

شايفين؟ يعني انا قدامه طول الوقت ايش يفرق في كلف ولا مافي؟ الفرق في انه الان بس عرف ان الكلف سمة غير مرغوبة عند النساء انفسهم فنفسه يعرف فينها

اختم كلامي... المرأة جميلة باسرارها.. بالثقة الفياضة الي عندها انها هي الاجمل والرجل توصله هذه الثقة زي ما هو شايف فنانات ما يسووا لكن ثقتهم انهم قادرين على الاغواء نسأل الله السلامة هي الي مكنت قلوب الرجال منهم...
ان كنت ذكية اتني بنفسك بس بدون تحطيم داخلي ولا يحس منك زوجك ابدااااااااااااااا ان نفسك مو عاجبتك وان تحديد جمالها موقوف على اشارة منه .... صدقيني لو كنت بريجيد باردوو وزوجك مهووس فيك ولكن حس انك كدا ... راح ينقص جمالك في عينه اذا ما زال كله

ياعمري انتي


اقول للاخت كاتبة الموضوع فيه مثل شعبي يقول

مايحس بالجمره الاواطيهااااااا واحمدي ربك اذا زوجك مالية عينه
واذا ماتزوجتي اسغفري لاتبلين
وبالعكس هذا يدل على حبنا لازواجنا نبي نتجمل لهم ونملا عيونهم :27:

ولا تزعلين هذي وجهة نظري

للرفع

up