( اذا وُجد الحب .. وُجدت كل اسباب السعادة ) ..
يمكن حتى تعيشين سعادة خيالك الوردي م وصلها :pinklove2

لذلك لا نحكم من تجارب اللي حوالينا الفاشلة ونعممها على الكل والعكس صحيح ..

هلا والله بالحلوة ...والحلوة مايجي منها الا حلو
هههه ......صرت رومانسية

انا كانت عندي مشكلة عويصه قبل الزواج متعبتني ومتعبة اهلي
وهي اني ماكان يرضيني شي وكان مزاجي صعب جدا جدا
اخواتي امورهم ماشيه ومتسهله وانا مايعجبني العجب وكل شي اوقف له حتى الحذاء وانتم بكرامه كانت لي مشاكل معه !
هذا عالي وهذا مدبب وهذا مهوب اللي حتى في الاخير فكرت ألبس (سختيان) !!
وكانت امي تقول اذا تعبتها يارب انتي وين بنلقى لك رجل يناسبك !!؟
والصراحة هالكلمة صارت تقرقع في قلبي وافكر فيها ومتخوفه منها بالحيل
انا نفسي مهيب معجبتني وين بلقى رجال يعجبني

وتزوجت وانا عندي احلام زهرية مثل كل البنات ولا لقيتها مثل اغلب البنات
لكن الله ابتلاني بالحب
الشي اللي مايعجبني ما اغصب نفسي عليه ابد راحتي اولى
اشياء كثيرة ما اعجبتني لكن الحب خلاني اصبر غصب من وراء خشمي !

لكن الحمدلله عاقبة الصبر حميده
ولان معاملتي له بما يرضي الله واطيعه قدر جهدي واحترمه صار هو يبادلني نفس الشعور والمعاملة
مع انه في البداية ماكان على ما احب


فانا اقول لكل زوجه او مقبله على الزواج تعاملي مع زوجك بممما يرضي الله وطيعيه في غير معصية الله وانتي بنفسك تجنبي معصية الله
والله تشوفين هالاسد الهصور اصبح حمل وديع يطلب رضاك ويتمنى سعادتك
طبعا مع تقديرنا لاختلاف الشخصيات
لكن الكلمة الحلوة تجيب راس اعتى الرجال
واذا كان الزوج غير رومانسي انتي بيدك تغيرينه وتخلينه اكبر رومانسي
لكن ابدئي انتي وسمعيه الكلام الطيب وعاملية معاملة حلوة واصبري وتشوفين بعد فترة كيف يكون هو افضل منك

لكن الصبر ...الصبر
الحياة الزوجيه اذا ماكان فيها صبر ماتمشي ابد

ماكنت ماهيأ نفسي بصراحه ودخلت على عماها اخذت واحد من بعيد وقروي مايعرف شي وانصدمت بالعادات متشددين لابعد الحدود وزوجي قروي بقراطيسه لدرجة شعري اشقر يحسبه لونه طبيعي واظافري ليلة زواجي يحسبها حقيقيه ويقول في نفسه هاذي لها سنين ماقصتها وعانيت كثير لدرجة فكرت بالانفصال وحصلت مشاكل كثير وكانوا اهلي ناوين اتطلق منه لو ماحملت بعد الزواج بشهر والحمدالله ذحين مافيه اطيب ولا احن منه الله يحفظه ويسخره لي يارب 

لاتنظرون بعيون بعض حتى لاتسقطوا باول حفره ولكن انظروا في طريق واحد مشترك\عامليه بما يرضى الله حتى يرتاح ضميرك وتاكدي ان لااحد يحبك مثل امك \لاتنسى حياتك قبل الزواج وهواياتك واهلك وشهادتك يمكن تحتاجين لها في يوم من الايام\راس مالك اولادك والزوج شريك ولكن ليس كل حياتك \حبي الله ورسوله ونفسك اولا لااحد يستحق اني اسحق شخصيتي ونفسى من اجله \خبره ربع قرن ماشاء الله لم اتعرض فيها لمشاكل لاقدر الله ولم انم خارج بيتي فيها اكثر من اسبوع الا مرتين فقظ

الحمد لله على كل شي انا متابعه ومستمعه لتجاربكن ولسى ماخضت هالتجربه بس عندي قناعه ان الزواج مسؤليه كبيره مره لازم البنت والولد يفهموا هالشي والحياة طبعا ماتخلوا من احلام ورديه واحلام بنيه بس إحنا الاساس وتقدر بعد الله نسعد انفسنا ونسعد الي حولنا والزوج غير عن الاهل وزي ماقال المثل زوجك على ماعوتيه
الله يسعد الجميع