مانسيتك ولا دقيقه @mansytk_ola_dkykh

عضوة فعالة

يامتزوجه انتي وياها تربطين زوجك بحبل وتسحبينه يشوف امه ولا لا؟؟

الحين الولد لما يبي يصير بار بامه مو لازم احد يقوله ولو مو مقتنع بهالشي
محد يقدر يجبره والعكس اذا هو ولد ناس وطيب مايأثر فيه الكلام والتحريش صح ولا ماعندي ماعند جدتي؟؟؟ :angry2:

يعني الزوجه مو لازم تمعط زوجها مع شوشته (اذا ماكان اصلع) وتحذفه على امه ؟؟؟

والله اني دايم انصح زوجي يصير طيب مع اهله واقول له ولدك لو يشوفك كذا بيتعلم منك وبيعامل اخوانه كذا

عاد اليوم قلت يابنت خلك حماره وانزلي تقهوي عند ام زوجك حتى لو انها ماتبيك خذي اجر واحتسبته عند رب العالمين:44:
نزلت ولقيت اخت زوجي هناك:crap: واول ماجلست قالت وين ابو فلان؟؟؟

قلت نايم الله يعينه امس نام متاخر
قالت ماشفته من اسبوع
انا تبلعمت ماادري وش اقول لانه دايم يقول لي نازل تحت عند اهلي(حنا ساكينين فوق قصر الكرملين قصدي بيت اهله مو بس حنا الا كل اخوانه)

المهم قالت وينه ماسال عني ولا قال امي شتبي محتاجه شي بس فالح ينقل بك بهالاسواق
قالت حماتي دقي عليه يوديك غصبن عنه وتناظرني تنتظر جوابي
انا ماادري وش اقول :unhappy:
قلت ماادري عنه والله كل يوم ينزل تحت يقول انه جايكم
قالت يمر ويسلم ويمشي
(طيب انا شدخلني) يحسبوني احرشه عليهم ولا رابطته مااخليه ينزل
قالت اهم شي رضى زوجته هاذا اهم شي مانبي منه شي<<<<< تتطنز علي:angry2:
اخذت ضناي وصعدت فوق :(
والله ان زوجي حبيب وما يرد لهم طلب
وهو اللي يوديهم ويجيبهم واحسن واحد بعيالها عليها
حتى خواته ينقل بهم من ديره لديره لما يبون يتسوقون حتى لو يسافرون
طيب واذا كان مقصر انا وش دخلني ماادري عنه
لو دريت كان نصحته ودايم من انصحه يقول لي لا تتدخلين بيني وبين اهلي
واللي قاهرني دعت علي
قالت ان شاء بكرا عيالكم يسوون فيكم كذا
:(
والسوعال الاهم والاخير لو ان زوجك مقصر تمعطينه من خشته وتودينه ولا الرجال ماينقدر عليه<< ودكم تصفقونها:biggrin:

يلزم عليك تسجيل الدخول أولًا لكتابة تعليق.

تسجيل دخول

مانسيتك ولا دقيقه • 16 سنة

:angry2:

سر امها • 16 سنة

ياحبيبتي عاادي طنشيهم
والا قولي مدري دقو عليه واسألوه أنا مليت من كثر ما انصحه
قولي لهم طيب وش اسوي له الله يهديه

شكلهم معصبين ذاك اليوم وحطوا حرتهم فيك
بس مالك الا التطنيش
طنش تعش تنتعش

واذا عندهم بنت متزوجه قولي له وش تسوييين مع زوجك اذا ما سمع نصايحك
تمعطين شوشته والا يمعط شوشتك وشوفي رده فعله

دلع‘‘ • 16 سنة

دايم سبحان الله

اذا كان بار باهله قالوا ماشاءالله عليه مااثرت عليه مرته ..!!

واذا قصر معهم في شي قالوا البلا من مرته حاشرته علينا وملهيته عنا ..!!

والحرمه لا ناقه لها ولا جمل ,, اذا كان يخاف الله بيبر باهله غصب عن مرته ولو حاولت واذا كان مقصر من نفسه ماراح تقواه

الا ان يشاءالله ومع المحاولات يمكن يتغير

الله يهديهم

أخت تيرانا • 16 سنة

حتى لو هي توصيه على أمه وأخواته ...مالها فضل .. < نظريه مجربه

كل وحدهـ تعمل بأصلها وتبّر فيهم ..لأن الدنيا دوّارهـ ..

مانسيتك ولا دقيقه ...الله يعينك ويصبّرك ..

وأخت زوجك بيجيها يوم تعرف قدرك ..

وشوكرن

حنين طفله • 16 سنة

ياكثر مواضيع التشكي من ام الزوج واهله

عمري ماشفت وحده تمدحهم للدرجه هذي كلهم الغلطاانين !!

بصراحه اخواات الزوج معاك حق بس امه !! كيف كذا حرمه كبيره تناافخ

الله يعينك لاتنزلين الا بالمناسبات لا يغثونك