يامجتمعناالغبي ممكن تتغير , رسائل غبيةعبر الواتس اب

هو فعلا كثير حريم يشوفو ان اللي ما تزوجت مسكينة ويسارعوا بإعطاء نصائح
مثلا
روحي لشيخ
اقرأي سورة البقرة كل ليلة
جيبي اثر من اللي حسدتك
روحي مع امك زواجات وانتي على سنقة عشرة
روحي سيري مع اخواتك وشيلو معكم صواني عشان الناس تعرف انكم ذربات
زبطوا بيتكم وخليه مبخر ونظيف اربع وعشرين ساعة
مع المداومة ع الاستغفار

مع ان احيانا البنت معاها حق انها ماتتزوج لأنها مو لاقية رجال ينشدفيه الظهر
فنصيحتي انا مختلفة عن نصايح الحريم
اقول لأي بنت
خليك في بيت اهلك وادرسي واشتغلي ترا مو نافعك غير راتبك
وعندك بابين من ابواب الجنة امك وابوك بريهم
واتونسي وانبسطي
وان جات وحدة كثرت هرج معاك وتقولك ليش ما تزوجتي قوليلها لمن القى رجال عليه القيمة اتزوج انا ما اخذ انصاف رجال عشان انكب نفسي وربنا قال ( ولا تلقوا بأيديكم إلى التهلكة )
والرجال الأقشر يعتبر تهلكة

ولا تنسين حبي نفسك ودلعي نفسك وانبسطي والبسي واكشخي واتمكيجي وسوي اللي فراسك طالما حلال

وبس

يا كثر ما جاني هالبرودكاست
وش يحس او تحس فيه اللي مألفته !!!
لا ألم ولا شي
فيه كوافيرا سعوديه اتوقع عمرها 35 تقريباً
تجي تجهز عرايس مكياج ولا اشوفها حزينه ابد
وهي بنفسها مرررحه جداً تقول مبسوطه بحياتي لاخر درجه طبعاً تحب تسولف
تقول مرتبه حياتي واي ايام اكون فاضيه ماعندي زباين سفرات وتمشي مع خواتي
تدخل القلب على طول
ما احس فيها ألم نهائياً ماشاء الله تبارك الله
الله يرزقها و يوفقها

أنا للحين ما تزوجت ، وصلني البرودكاست قبل فترة .. وعادي ما أحس إنه أثر فيني
بالعكس عجبني الكلام
ويتكلم عن الأجانب المتغربيين سواءا كانوا بائعين بمحلات أو خدامات أو بنات ما بعدهم تزوجوا ويشتغلوا في أماكن تجهيز عرايس بسبب حاجتهم

لكن بخصوص اللي قلتيه عن الحريم فمعك حقك بهالشيء بصرف النظر عن البرودكاست

ايوا الله صدقتي ،،،

اشياء كثيرة لازم تتغير بعقلية دول العالم الثالثة مو بس بموضوع الزواج