الى اصرهت بالجمر عقب اشتعالي =زليت صافيها على كيف شراب
وقلبت حمستها على شف بالي =حوش الغنم لين العرق فوقها ذاب
ودقيتها من ضيقتي باعتجالي =نجره يصيح لراعي الكيف جذاب
:2thmup:
نجي للطريقه:
اقولكم طريقتي جيبوا بن هرري اللي كيسه اخضر عرفتوه !! واغسلوا القهوه كلها بتشوفون لون المويه سوداء من الوصخ اللي فيها واذاحسيتوا خف اللون انشروها بالشمس ليين ماتجف منها المويه اهم شي انشروها بشي وسيع عشان ماتكون الحبات على بعضها بعدها احمسوا القهوه وخلوا لونها برونزي او ذهبي يميل للبني واذا جيتوا تطحنونها لا تخلونها ناعمه مرره خلوها كنها مجروشه بعدين عبوا "اللقمه"ابريق القهوه مويه وافضل نوع اللي يكون ستيل وحطوا فنجال وربع قهوه واذ بدت تطبخ اقصوا النار عليها واحسبوا لها نص ساعه وبعدين طفوا النار عنها وخلوها ربع ساعه عشان تصفي بعدين زلوها على الترمس وتكونون حاطه فيه ملعقتين هيل وكم عود زعفران واذا تحبون قرنفل وخلوها عشر دقايق وبعدين تقهوو منها وبالعافيه على قلوبكم
واذا ضبطت معكم ادعولي بصلاح عيالي وادعوا لامي بالشفاء اللي علمتني اسوي القهوه الله يخليها لنا يااارب :(
واسفه على الاطاله
*بس صدقوني مضبوطه ميه ميه:icon18:
