كل عام والجميع بخير بمناسبة بداية العام الدراسي الجديد ..

أتمنى يالغلا مانعمم على إن جميع المدارس الحكومية بهذا المستوى
انا معلمة والحمدلله كل شيء منظم ومجهز من الاسبوع الماضي
بالنسبة لي أجهضت الحمدلله ثالث ايام العيد وكان عندي إجازة الاسبوع الماضي وهذا الاسبوع
بس رفضت إجازة هذا الاسبوع حتى أكون مع طالباتي من بداية العام الدراسي ( معلمة صف ثالث ابتدائي )
زميلاتي جزاهم الله خير جهزوا فصلي وكتب طالباتي بالنيابة عني ويوم السبت الحمدلله
استقبلت طالباتي وأخذتهم فصلي وحضنتهم وحدة وحدة ووزعت عليهم عيدياتهم اللي جهزتها من فترة عبارة عن حلويات العيد مع ألعاب وتعرفنا على بعض وحطينا مع بعض قوانين الفصل وتحاورنا حول طريقة التدريس والتعامل مابيننا وكل الأمور اللي بتجمعنا عام دراسي كامل ..
وزاروني طالبات العام الماضي بفصلي واستقبلتهم بالاحضان الله يحفظهم اوفياء مانسيوا معلمتهم :)
علماً أن جدولي مضغوط 23 حصة مع ريادة بالاضافة إلى كوني مشرفة رعاية الموهوبات لكن أفعل مابوسعي
أعاننا الله جميعا ..


ياأخوات من الجميل أن نقيِّم أوضاع المدارس ونعرض وجهات النظر ونقدم الأفكار ونعترض على الممارسات الخاطئة من قبل المعلمات والإداريات ونقدم الحلول ونبادر في طرح طرق العلاج فهذا من حقكم كأمهات لكن الأجمل أن يتم ذلك باسلوب راقي بعيد عن السب والشتم والظلم فلسنا سواسية وبعض الاتهامات تؤذينا نحن من نحرص على تقديم الأفضل لبناتنا والأكثر ارضاء لربنا عز وجل ..

محبوبة وعسسسل

^

^

جزااك الله كل خيرررر كفيتي ووفيتي




فعلا التعميم ظلم .... حنا والحمدلله بمدرستنا مع انها مستأجره لكن سوينا حفله بسيطه ووزعنا عيديات وأسامي البنات كانت جاهزه وزعناهم على طووول بفصولهم ووزعنا الكتب ... ودخلنا الحصص عادي





بس الحرر هذا مو بيدينااا.... والله يانا الفصوول مررره حررر مع اننا كلمنا الصيانه وماخلينا شي بس مو بيدناا اذا المكيفات خايسه

وضغط الحصص لابد يأثر على المعلمه يعني بعض المعلمات وصلو ل 25 *** مرررره كثيررر


بس متأملين بالتعيينات الجديده انها تسد النقص


الله يوفق الجميع

بصرااااااحه القطاع الحكومي التعليمي عندنا فااااشل بما تعنيه الكلمه,,
والحل الجذري لها المشكله هو تغيير كامل الطاقم
من مديره لمشرفات لمعلمات
وتعيين كوادر شبابيه جديده تطور من تربية وتعليم أجيالنا
مو تحطمهم وتكرهم بالتعليم ,,
وبس ..

بنت اختي رجعت مستانسة تقووووول وزعوا علينا هدايا ولعبونا بعد هههه

وربي انه كنت بنزل موضوع لنفس السبب
وخاصة انه بنتي صار لها موقف خلاني اتعجب من فعل المعلمة
مسكينة طاحت من يدها علبة على الارض المعلمة كتبت اسمها وقالت لها بوديه للمديرة تخيلووووووو !!!!!!!!!

ما نبي يسون حفلة ولا مسابقات ولا شئ اهم شئ النفسية والاخلق هي الي يبقى اثرها في نفس الطالبة
يعني الابتسامة ما تكلف شئ الفرفشة والدردشة مع الطالبات يغير من نفسيتهم
لانهم توهم جايين من اجازة لدوام رسمي وانظباط وروتين مدردسي اكيد نفسيتهم بتكون متوترة شوي

لكن الله يصلح المعلمات ويهديهم
يبيلهم دورات تدربية لفن التعامل في بعض المواقف