حسبي الله على من تسبب في تشتيت الاسر

اختي مانصحك تداومي من بيتك وتطلعي الساعه 2 او 3 الفجر عشان تداومي المسافه مو بالهينه راح تتعب نفسيتك من المشوار كل يوم .. هذا غير خطر الطريق الله يحفظنا .. نصيحتي لك استاجري بالقويعية واسكني فيها ودام قلتي لك اخت تعينت بالقويعيه شيء يطمن ع الاقل بالسكن تكونو مع بعض حتى لو هي معينه بقريه غير قريتك .. واولادك انقليهم معاك وخلي احد من اهلك يروح معاك او امك عشان تكون عند الصغار لحد ماترجعي من الدوام .. وزوجك يجيكم خميس وجمعه او انتم تطلعو للرياض .. راح تتعبي بالبدايه لكن ربك يهونها وتتيسر وراح تتاقلمي على الوضع مع الوقت .. الله يفرج همك وييسر امرك

شوفي ي الغاليه لو انا جيت معاك بالحصاه وهذا اللي اتوقعه راح ارفض الوظيفه
حسبي الله عليهم
صحتنا وعايلتنا اهم والله
والله يعوضنا
الا اذا قادره تسكني هناك ممكن
الله لايبارك فيهم قال مافيه احتياج بالرياض قال !!!!
والله المدارس معظمها فيها نقص معلمات

ام جوووري وش تخصصك؟؟؟؟

ياربي عووووووونك

والله قهرررر لاهم اللي حطونا باماكن قريبه ولا هم اللي علمونا قبل وخلو الواحد
يرتب ويشوف وضعه ...

باالله شوالحل .... والله ياهمس معك حق ارواحنا اغلى من وظايفهم بس الغبينه والقهر لو رفضنا طحنا بقياس
وخرابيط وياعالم نجتاز القياس اولا.....وهل بتتكرر الفرصه مره ثانيه لنا ويجينا تعيين..

عوونك ياربي

هلا وغلا بمعلمات الحصاة حياكن الله.. بنات لا تشيلون هم وتوكلوا على الله ترى الدوام حلو بس العيب طول الطريق .. الله يوفقكم ويسهل لكم