يامسلمات انتبهوا لعيالكم الموضوع خطيييير(اللواط)

الملتقى العام

أولا الرجاء من المشرفات عدم نقل الموضوع لأنو هالقسم اكثر مشاهده
سلام عليكم
ببدأ موضوعي على طول نداااااااااااء لكل ام وأخت تكفون انتبهوا لعيالكم وأخوانكم احنا في زمن يخوف صرنا نخاف على الولد أكثر من البنت بتقولون نخاف عليهم من ايه أقولكم من
اللواط
للاسف انتشر بشكل خطير في مدااارس الاولاد وخصوصا الابتداائي
تخيلو ولدي جاني وهو مذهول ويقول ياماما فيه اولاد يسووون حركات مش حلوه سألته ايش قال يفسخون سراويل بعض وكل واحد يوري الثاني ..................................
بعدين سكت وقال وهو متقرف كمان كل واحد يررر......................... على الثاني
انا هنا انصدمت :mad:
ومسكته وفهمته ان هذا فعل قوم لوط وان اللي يعمله عذابه شديد
تكفون انتبهوا لعيالكم خصوصا اولى ابتدائي لأنهم مساكين مايعرفون شئ
ولدي يقولي ان سنه سادس يمسكون اولى في الحمامات
لا واللي يقهر انهم كانوا يعملونها في الحمامات
الحين يعملونها في الفصل وقدام كل الطلاب وواحد يراقب لهم عند الباب وقت الفسحه

ولما قالهم ولدي ان هذا الشئ حرام تخيلوا وش يقولون يقولون من يقول انت تألف من راسك ولما قالهم انو مذكور في القران قالوا عادي كل ماسويناها نتوب ونستغفر :mad:
للمعلوميه المدرسين عندهم خبر وصار ممنوع دخول الفصول وقت الفسحه وتقفلت الحمامات اللي في الادوار العلويه وخلو اللي تحت عند غرف المدرسين ومكتب المدير

هنا دورهم في المدرسه لكن يبقى دور الاهل خارج المدرسه


ياامهات وياأخوات فهموا عيالكم وأخوانكم خصوصا الصغار الأبتدائي لأنو من شب على شئ شاب عليه
خلوكم قريبين منهم خلوهم يسولفون عليكم وش يصير في المدرسه كل يوم حتى لو كانت السوالف ممله

الحمد لله انا علاقتي مع ولدي حيل قويه اللهم لك الحمد وكل شئ يصير في المدرسه يقوله لي حتى لو كان تافه
علمته انو يقولي كل صغيره وكبيره تصير هناك


وفي الأخير لا تجيني وحده تقول يمكن في مدرسة ولدك وبس لالالا الموضوع منتشر في اغلب المدارس سألت اخواني الصغار وقالولي وكمان ولد اخوي وصديقاتي اللي كل وحده في منطقه وللأسف الموضوع منتشر بشكل مخيف
أخيرا راااقبو جوالات اولادكم ولا تقولون صغار لا راقبوها بشكل دوري وزرعوا فيهم الخوف من الله وطلب رضاه
ادري طولت عليكم لكن كله لمصلحة أولادنا وأخوانا

اللهم بلغت اللهم فأشهد

اللهم انا نستودعك اولادنا من كل شر
258
27K

يلزم عليك تسجيل الدخول أولًا لكتابة تعليق.

تسجيل دخول

آرزو
آرزو
يمه خوفتيني انا عندي 2 واحد باولى والثاني برابع كيف اقولهم اخاف اخوفهم وماعاد يروحون المدرسة
عاشقه الشمس
عاشقه الشمس
الله يكفينا شر مصايب الدنيا ويحمي اولادنا واولاد المسلمين من كل شر
محبة الصفاري
محبة الصفاري
مشكوره اختي علىلتنبيه والله ان هاالدنيا صارت تخوف ماأقول الا الله يستر على عيالنا وبناتنا ويحفظهم من كل مكروه
أغلى ما في الكون
استغفر الله العظيم صدقتي
الله يحمي عيالنا وعيال المسلمين
miss dala33
miss dala33
الله يكفينا شر مصايب الدنيا ويحمي اولادنا واولاد المسلمين من كل شر
الله يكفينا شر مصايب الدنيا ويحمي اولادنا واولاد المسلمين من كل شر