فرحني ردك . الله يجزاك خير

الفيصل هنا الشرع والحلال والحرام
سمعت ان صاحب ابو زوجي رجل ستيني توفت زوجته بعد معاناة مع المرض واولاده وبناته كلهم متزوجين ومستقرين
لما فكر بالزواج
بعض الشياب قالوا له خذ بنت بنوته توسع صدرك وبالذات ان عنده خير ماشاء الله
لكنه رفض وتقدم لارملة فوق الاربعين وتزوجها والحين ماشاء الله هو واياها مستقرين وسفر وسعة صدر
هو ما يبغى بنت تغثه وتشيب راسه بمراهقتها وطلباتها يبي لهم راس صاحي وهو يقول ابي استقرار وزوجه تفهمني وتوسع صدري ويمكن لو لاقي اكبر ترضى فيه خطبها

الي عندها رغبه بالزواج
تتزوج ليش تحرم نفسها لو عمرها صك الميييه
واعرف كثير تزوجوا وهم حول الخمسين

حسب عمر العريس و صحته
اما اذا شايب او مريض ف صعب تصير له ممرضه

لله ي بنات ردودكم تجيب التفائل والأمل
انا لاحيه ولاميته قصة حياتي كلها معاناه تحملت مسؤليه مايتحملها أقوى رجال
ومعلقه من خمس سنوات حسبي الله ونعم الوكيل
ولاعندي حد يأخذ حقي
فيه جمال وأخلاق وطيبه وحسن نيه
ذبلت من الحزن والهم والحمدلله وبين ب عيوني كل من شافني اول مره يقول ليه حزينه
من صغري وانا رومنسيه واعشق الحب وإتقن التفنن والتعامل مع الرجل
كنت كنت كنت أحب البس واعشق الروائح الحلوه وخلق جو يحلم فيه كل رجل
لكن حضي والحمدلله كتب لي انحرم من هالشي
كنت متزوجه بزوج عايش عشان يأكل ويشرب بس والايقدر هالشي غير المعامله القاسيه
مااتقبله اكرهه صبرت عشان أولادي لحد مآ فاض الصبر والحمدلله كبروا وقررت أعيش وحيده ولا أعيش معه
ومعلقني عقاب لي
الله يحز في نفسي اذا شفت زوجين يمشون سوا ويضحكون
واذا شفت صديقاتي يتغزلون بزواجهم
واذا سمعتهم يسولفون زوجي زوجي
اذا مشيت بسوق ادخل محل قمصان النوم بس اتفرج وتخيل اني لابستها
بالدوام اشوف على بعض صديقاتي على رقبته علامة ؛؛؛؛؛؛؛😍 واتمنى هالشي 😢
كنت متزوجه لسنين بس والله ماقد عشته ولاحسيت فيه
قدام الكل مسويه قويه وماهمني هالشي
وانا اللحين بسن الأربعين
وان شاءالله اذا تطلقت بحتوي اولادي وولا راح أبعد عنهم
واذا جاني الرجال الي يستاهل قلبي واهتمامي وحبي راح اتزووجه واسعده اذا أسعدني بعد موافقة اولادي طبعا
انحرمت من كل شي تتمناه كل أنثى ولابيوم فكرت ارفع عيني بعين رجل ولا أغضب ربي
وان شاءالله ربي بيعوضني
حلفتكم بالله تدعووون لي بالفرج والسعادة وهداية أولادي