لسلام عليكم ورحمة الله وبركاته::
الرجاء قراءة الموضوع من البدايه عشان تستفيدن ياحلواااااات ار يو اندر استاند.^ـ^
حوائياتي العصاقيل الغاليات ولايهونون الثانيات ^ـ^ مثل ماوعدتكن..في موضوع سابق ..
وقلت اني بمشي على نظام معين..وان جاب نتيجه معي خلال ((اسبوع))..راح انزل لكن تجربتي..
بقولكن ..واقرن كلامي كويس ..وطبقوه بالحرف الواحد..لنتيجه افضل خلال اسبوع..
نظامي ذا سبحان الله ..الله الهمني اياه^ـ^..ومافيه اسهل واحسن منه..
بلا خلطات..بلا تقليب استبود..بلا لوعات..والنتيجه ماااش نتيجه...والاحلى والافضل والاكمل..بلا ريحه واااااو..
شوفو يامعشر العصقولات..
وش يحتاج النظام ذا من بدايته..وانك لازم ماتبدين فيه الا وانتي حاطه براسك ومقرره اني لازم ازيد عليه وانه راح تكون
النتيجه افضل اذا كملته الى النهايه ..وهو نهاية الاسبوع الاول مثل مااتفقنا..
تجربة النظام راح تكون خلال اسبوع ..من بداية اخذك له..
ويحتاج النظام الى شئ مهم جدا
وهو اراده..ثم تصميم..ثم صبر..والاهم الصبر....لانك لو ماصبرتي على هالاسبوع والله اتحداك تزيدين عليه وهذا وجهي ان زدتي وانتي
ماطبقتيه..<<<<<تهديد^ـ^
نظامي سهل جدااا جدااااا جداااااااا ::
ومن سهولته راح تنصدمين بالبداية وبتقولين معقوله ذا الشئ بزيد عليه!!....هاهاها لاتتعجبين طبقيه وشوفي
النظام هو::
تريحون للسوبرماركت..للبقاله ..للدكان اي شئ وتقشين منه الآتي:
حلاوه طحينيه.
شوكولاته نوتلا..او شوكولاته نوقي..او ماشابههم.
زيدة الفول السوداني
لا تحطون ببالكم اني بخلطهم..لالا ماعنتشي ذي الحركات ^ـ^ لانها لو انخلطت ماراح تبلعينها..والنفيسه ماش نفيسه..:44:
الطريقه:
بعد كل وجبه تاكلنيها بعد الفطور,,الغداء,,العصر ,,العشاء
تاخذين ملعقه كبيره من حلاوة الطحينيه..وتاكلينها وتحدرينها بمويه او حليب انا اخذ مويه بس
ثم اذا انتهيتي من بلعها بسلام
نجي الى نوتلا..برضو تاخذين ملعقه كبيره..وتحدرينها بمويه..وتبلعينها بسلام
ثم نجي للزبدة الفول السوداني تاخذين ملعقه كبيره وتحدرينها بمويه ..
وانتهينا
يعني تاخذينها اربع مرات باليوم مثل الدواء بعد كل وجبه واصبري وشوفي النتيجه الفتاكه
ايوووووووه نسيت اقولكن
لازم تاكلين كيك يوميا اخذيه بوقت العصر لان سعراته كثيره
انا نظامي..اكل حبتين كيك اليمامه بالعصر
تدرون كم سعره حراريه بالحبه الوحده من هالكيك
تخيلووو 390 سعره حراريه..فلما تاخذين حبتين كم تطلعلك 780 سعره حراريه
وتدرون كم في سعره في:
ملعقة حلاوة الطحينيه؟..فيها 120 سعره حراريه..
وملعقة زبدة الفول السوداني فيها95 سعره حراريه..
وملعقة نوتلا فيها 100 سعره حراريه
نجمع الحين اذا اكلنا اربع ملاعق من كل وحده منهم باليوم
حلاوة الطحينيه تطلع اربع ملاعق 480 سعره حراريه
وزبدة الفول السوداني تطلع اربع ملاعق ب 380 سعره حراريه
وشوكلاته نوتلا اربع ملاعق تطلع فيها 400 سعره حراريه
نرجع نجمع السعرات اللي حصلنا عليها خلال اليوم من هالاربع ملاعق بس يساوي ((1260)) سعره حراريه
ولو نزود عليها حبتين كيك اليمامه يطلع الناتج ((2040)) سعره حراريه باليوم تخيلو يابنات
هذا من غير الوجبات الرئيسيه كم يطلع عليك سعره باليوم
وتدرين كم تحتاجين باليوم من سعرات عشان تزيدين بس كيلو؟؟
هي ((7500)) سعره حراريه
شفتووووو كيف ..
وانتي بهالنظام القليل والبسيط حصلتو تقريبا على ربع السعرات اللي محتاجينها عشان تزيدو كيلووو
وانتن وشطارتكن
كل مازادت السعرات الحراريه كل ماقربتي تزيدين باليوم الواحد ربع كيلو او حتى نص او حتى كيلووو
يلا الهمه ياعصقولات
نسيت اخبركن كم زدت على النظام ذا خلال الاسبوع اللي طاف كله
زدت نص كيلو خلال اسبوع
ادري بتقولون احبااااااااااط نص كيلو بس وجايه تخبرينا
بقولكن انا يا بنات والله جسمي صعب يزيد وزنه بالمووووووووت يزيد
ومع ذلك زاد نص كيلو باسبوع...
وبقولكن بعد ترى والله ماالتزمت بالنظام ذا خلال كل هالاسبوع..لاني انشغلت والضيوف والحركه الزايده تحرق السعرات
تخيلو امس كله مااكلتها
وقبله اكلت بس ملعقه طحينيه
وقبله اكلتها كلها مره وحده بس
ووزنت امس وانا باديه من الجمعه اللي طافت يعني خلال ست ايام مع عدم التطبيق يساوي ..زياده نصف كيلو
وش ابي اكثر من كذا ياربي لك الحمد..^ـ^
وطموحي ازيد على الاسبوع بعد اكثر واكثر ان شاء الله وبطبق النظام بحذافيره..
واتحدى ثم اتحدى اي وحده تطبقه ولاتستفيد منه
بنات ابي منكم طلب..
طبقو هالنظام والله ماراح تندمون ابد مو تطبقونه وتستغنون عن الوجبات الرئيسيه لاكذا ماينفع
وابي كل وحده طبقته تجي وتنزل تجربتها ونحمس بعض
ويفضل تجي هنا كل يوم وتقول هل هي طبقته او لا..عشان ماتنسى وتتناشط وتترك الرباده والنحف وضحك الناس عليها
يلا همتكم
وفي الاخير ابيكم بليز بنات تدعولي بالوظيفه الرسميه
وان الله يحقق لي كل مااتمنى ياااااااااارب
والله مانزلت تجربتي الا ابيكن تستفيدن مثل مااستفدت :39:
التجربه تجربتي وغير منقوله لاني ماانقل شي مااجربه وهي من اختراع ونونه ^ـ^
يامعشر العصقولات هلمو الي جميعا نظامي اللي زدت عليه خلال اسبوع ولااسهل منه بلاخلطات .
84
71K
يلزم عليك تسجيل الدخول أولًا لكتابة تعليق.
@فراشة الجنة@
•
مشكوره
فروتي 21
•
مشكوره ياعسل انا من زمان كان نفسي اعرف عن عدد السعرات الحراريه للجسم
وراح اكل اللي قلتي عليها وبشوف ان شاءالله وزني يزيد
وراح اكل اللي قلتي عليها وبشوف ان شاءالله وزني يزيد
الصفحة الأخيرة