السلام عليكم ورحمة الله وبركاته
الى المعلمه الفاضله الطيبه الحنونه الام الثانيه لبناتنا
اما بعد .....
الصراحه شرهتي عليكم كبيره :(
بنتي اليوم دخلت تبكي من الاسئله بمادة البلاغه تقول جاهم سؤوال
من خارج الكتاب!!! يمكن السؤال بالكتاب بس طريقة كتابته وصيغته
اوحت للبنات انه من برى كتابهم ...
طيب ابسألكم ياعزيزاتي .. وش بتستفيدون من التعجيز بالاسئله؟
يعني ليه مايكون السؤوال كما هو وارد بالكتاب والي البنات متعودين عليه!!
تدرون القهر ان بنتي باخر سنه ثانوي ومحتاجه كل درجه غير انها
طالبه ممتازه ولله الحمد متفوقه حافظه الكتاب من الجلده للجلده
وفاهمته زين زين بس مع الارتباك ورهبة الاختبارات الواحد يضيع
تجون انتم تزودونها باسأله صعبه وتعجيزيه وخارقة الذكاء!!
ليييييييييه ماتسهلونها عليهم ربي يسهلها عليكم ويدعون لكم
ليييييييييه ماتفرجونها عليهم ربي يفرجها عليكم
مو كفايه مساكين تعجيز القدرات والقياس والاحصاء الي اسألتهم
من خارج منهج الحياة ؟؟؟
يعني اذا انتي معلمتي الفاضله ذكيه وذكائك خارق تتوقعين
فيه بنات نفس مستوى ذكائك!!
تراه مستويات الاستيعاب بالعقول متفواتيه ومختلفه
فيه منها من يحفظ صم بدون فهم وفيه منهم فاهمين وذكيين وفيه منهم لاذي ولاذيك
يعني لازم نراعي المستويات ومانلومهم لان الله خلقنا كذا
مو كل البشر تفكيرهم واستيعابهم واحد
بتقولون انك جايه تعطينا دروس .. برد واقول هذولى بناتنا
لازم نعطيهم فرصه ومانصعبها عليهم انا ام وفلانه ام كلنا نبي
لعيالنا النجاح خصوصا البنت المجتهده
اغلب فصل بنتي سلمو الورقه فيها سؤوالين من خارج الكتاب بدون اجابه
وطلعو متحطمين من قاعة الاختبار..
وهالشيء بيأثر عليهم سلبي بباقي اختبارات الاسبوع
وبالاخير وش الهدف من تصعيب الامور على الطلاب الى وين بتودونهم
وهالشي من زمان على ايامي نفس الاسلوب سؤال يجينا من كوكب ثاني
بس حنا ربي راحمنا مافي قدرات ولا احصاء الكل يسجل بأي مجال
يبغاه.. الحين المستوى يحدد طموح كل طالب للاتجاه الجامعي ..
بعض معلماتي الفاضلات ..اتقين الله ببناتنا لاتصيرون انتم والزمن عليهم
صدقوني الي ماذاكرت وكسلانه مستواه بيبان والشاطره هي الي بتنظلم
مع هالاسئله الصعبه
اتمنى صوتي يوصل لاكبر عدد من المعلمات ويوضحون لنا سبب الاسئله التعجيزيه
والله اكتب موضوعي وانا قلبي محروق على بنتي ومقهوره البنت ممتازه
ودخلت علي تبكي ومحبطه:44:
ادعولهم بالتوفيق والنجاح وان الله مايضيع لهم تعب
قصيميه بجده @ksymyh_bgdh
كبيرة محررات
يلزم عليك تسجيل الدخول أولًا لكتابة تعليق.
*النحله*
•
الله يوفقها ويوفق اولادي واولاد المسلمين ... علميها التهوين علميها ان تقول اللهم اوجرني في مصيبتي واخلفني خيراً منها.. والله كلنا نعاني من ها الشي
معقدات وماصدقو يمسكون سلطه
ولا صادقه اش خسراانه لمى تحط اسئله سهله وتيسر على البنات اللي محتاجين كل درجه
لو شفتي مدارس العيال كييف اقسسم بالله البنت تذاكر ليل ونهار وتجيب نص درجه الولد وهو نايم ويلف بالشوارع ويجيب ممتاز ودرجات عاليه تستغربين !!
اقولك لييش لو تشوفين اسئلتهم وربي سهله اكمل الفراغ وصح وخطاء وربي ماتشوفين عندهم تعقييد مثلا
اقسسم بالله اخوي لمى كان بالثانوي يقول المدرسين يشوفون الطلاب يغشون من بعض ويسوي نفسه ماشافهم خخخ بس مع كذا انا ما ابرر الغش
بس يسروو ولا تعسرووو
ولا صادقه اش خسراانه لمى تحط اسئله سهله وتيسر على البنات اللي محتاجين كل درجه
لو شفتي مدارس العيال كييف اقسسم بالله البنت تذاكر ليل ونهار وتجيب نص درجه الولد وهو نايم ويلف بالشوارع ويجيب ممتاز ودرجات عاليه تستغربين !!
اقولك لييش لو تشوفين اسئلتهم وربي سهله اكمل الفراغ وصح وخطاء وربي ماتشوفين عندهم تعقييد مثلا
اقسسم بالله اخوي لمى كان بالثانوي يقول المدرسين يشوفون الطلاب يغشون من بعض ويسوي نفسه ماشافهم خخخ بس مع كذا انا ما ابرر الغش
بس يسروو ولا تعسرووو
يارب فرج همي
صحيح كلامك بس الي لاحظته على بنتي البارح مرره مرتاحه تقول حفظت وفهمت الكلام صم وعن غيب
وكانت مستعده للاختبار بنفس مفتوحه ومبسوطه لانها حست انها انجزت بالمذاكره
والمشكله كل الي طلعو من الاختبار محبطين مافيهم الي طلعت مبسوطه ومتبسمه
ناس تبكي وناس تشكي وناس تتحلطم
والمعلمات عارفات ان الاعصاب مشدوده ليش التعجيز من اول يوم طيب !!
من المفروض الي يراعي اعصاب الثاني !!
مشكوره على مرورك الله يجزاك خير
واشكركم بنات على مشاعركم وردودكم
الله يوفق الجميع بناتنا وعيالنا
صحيح كلامك بس الي لاحظته على بنتي البارح مرره مرتاحه تقول حفظت وفهمت الكلام صم وعن غيب
وكانت مستعده للاختبار بنفس مفتوحه ومبسوطه لانها حست انها انجزت بالمذاكره
والمشكله كل الي طلعو من الاختبار محبطين مافيهم الي طلعت مبسوطه ومتبسمه
ناس تبكي وناس تشكي وناس تتحلطم
والمعلمات عارفات ان الاعصاب مشدوده ليش التعجيز من اول يوم طيب !!
من المفروض الي يراعي اعصاب الثاني !!
مشكوره على مرورك الله يجزاك خير
واشكركم بنات على مشاعركم وردودكم
الله يوفق الجميع بناتنا وعيالنا
الصفحة الأخيرة