يامعلمات ابي خبرتك بالمقابله

شوفي باقلبي
اول سؤال ماينفع تقولي لهم بصور واشرح بكره لانهم يبون يشوفون تحضيرك
ثانيا المقابله الشخصيه لاتعني بالضروره شرح درس انا سويت ثلاث مقابلات ولا طلبو مني شرح
اهم شي اول مايتصلون عليك يحددون موعد المقابله خذيه منهم بالساعه يعني يقولو لك يوم الاربعاء تجين تسالين اي ساعه ولا تتاخرين عن الموعد ولا دقيقه تجين على المضبوط وكمان اساليهم هل مطلوب منك شرح في هذي المقابله او لا عشان تعرفين وش تجيبين معك
واياني واياك تقولين ماعندي دفتر تحضير او من كم سنه ماشرحت لا في التلفون ولا اذا شافوك وجه لوجه الا اذا سالوك سؤال مباشر متى تركتي الشغل
المهم بالنسبه للدرس اذا كنتي بتشرحين جهزي لك درس حلو مع وسائل حلوه ولو معاها عرض باور بوينت يكون افضل ((والنت على الذمة ))
لكن اذا كانت المقابله للحديث بس روحي ومعك شهاداتك وخبرتك ودفتر تحضيرك القديم اذا كان موجود وكويس واذا عندك دورات حتى لو حقت اليوم الواحد وتطوير الذات وماشابه وكمان لو عندك شهادات تقدير من استاذة مدرسه اداره ايام الكليه او غيرها كل شي يحسسهم انك مميزه جيبيه
واخيرا لا تتفلسفين في اجوبتك على اسئلتهم جاوبي على قد السؤال
وبالتوفيق

الله يجزاك الخير ردك وافي كامل
ههههههههههههه ضحتيني يوم تقولين لاتتفلسفين ههههههههههههه
بس اخاف اذا عملت تحضيري على البور بونت مايكون عندهم برجكتر في القاعه الي يسون فيها المقابله الشخصيه
كذا او لاء لاني ليه فتره عن التدريس ماادري اذا الان تغير الوضع وصار في برجكتر

حبيبتي الدرس مايكون مكتوب في عرض باور بوينت لا العرض يكون عباره عن وسيله يعني يمكن يمون عرض صور عادي
مثلان لو انك مدرسة جغرافيا تجيبي صور تعرضيها تناسب درسك او انك مدرسة فنيه تسوي عرض صور طريقة العمل بصور بالخطوات
او انك مدسة رياضيات تحطي معادلاتك بهالطريقة وكمان العلوم والتاريج والدين وغيره يعني العرض مكمل للدرس مو الدرس كله وتقرينه منه كنا ماسوينا شي !!!
ومو مهم يكون فيه بروجكتر المهم انك اشتغلني يعني لو مافيه واكيد مارح يكون فيه ولو فيه ماعطوك تستعملينه بس انتي اعرضي عن قرب منهم المهم يشوفون وبس
بشرينا اذا توضفتي

ان شاء الله ياغاليه
تسسسسسسسسسسسسلمين يارب
الله يجزاك الخيررررررررررررررررررر يارب دنيا واخره
ويسعدك وتلاقي مين يساعدك وقت حاجتك يارب

أهلين حبيتكم كيفك وشو أخبارك ؟
الله يوفقك ويكتب لك الوظيفة اللي فيها خير لك ...
شوفي يا حلوه المقابلة راح يسألونك عن تخصصك خبرتك معدلك إذا عندك دورات أو لا ..
منها بيعرفون شخصيتك .. أنا يوم سويت مقابلة سألتني أسئلة كيف أتصرف لو مثلا كانت عندي طالبة كسلانة أو طالبة مشاغبة مثلا ...
يعني المقابلة أساسا مثل ما قلت لك لمعرفة شخصيتك ....

بالنسبة للشرح فأكيد راح يطالبونك بشرح درس ويفضل إنك تكونين مستعدة من قبل لا تروحين لهم ومجهزة وسائل خاصة بالدرس وغيره
ومثل ما قالت أخت فريدة استعيني بالنت وحضري درسك بالباوربوينت حتى لو كان ما عندهم بروجكتر مجرد استعدادك لاستخدام الكمبيوتر هذا يحسب لصالحك ...

وقت الشرح حاولي ما يبين عليك الارتباك ... إذا فيه طالبات حاولي ما تركزين على طالبة وحدة .. اهتمي بالتقييم المرحلي والنهائي يعني بعد كل فقرة من الدرس وجهي سؤال وحاولي يكون منوعة الأسئلة صح وخطأ أكملي وغيره ...
أيضا ركزي على العبارات التشجيعية للطالبات - إذا كان فيه طالبات - أحسنتِ / ممتازة / رعاك الله إلى غيرها
التقويم النهائي للدرس حاولي يكون شامل ويكون بطريقة حلوة ومشوقة

ولا تنسين تستخدمين السبورة للهامش وكذلك اكتبي التاريخ والمادة واليوم ... وعنوان الدرس بعد ما ستستنبطينه من الطالبات وحاولي يكون مقدمة درسك بطريقة مشوقة قصة أو لعبة أو سؤال ...

أما دفتر التحضير ما راح يطالبونك فيه لأنه أساسا اللي أشوفه الحين ما عاد بذاك الأهمية وأغلب المشرفات صاروا يسمحون لك بالتحضير الجاهز وتقدرين تأخذينه من النت وتعدلين عليه وتطبعينه لأنه أحيانا يكون فيه أخطاء ...

وبالنسبة إنه ما معك كتاب الحين في النت المناهج المدرسية على شكل كتب الكترونية حمليها وتصفحيها بس لازم يكون عندك برنامج أكروبات ريدر

وهذا هو موقع المناهج :

http://www.edu.gov.sa/portal/pdf-book.php

وفقك الله ولا تنسيني من صالح دعواتك بأن ييسر الله أمري ويرزقني الزوج الصالح ...