يامعلمات المتوسطه علموني اش اسوي مع بنتي...

يهابسم الله الرحمن الرحيم

والله من ظيقة الخلق اللي فيني بسبب بنتي ماني عارفه كيف ابدأ موضوعي لكن برمي استفساراتي عليكم وتكفووووون ساعدوني وعطوني الحلول

بنتي في سنه اولى متوسط الله يصلحها ويوفقها طلعت عيوني والله ني ابكي من الهم
البنت ذكييييه بشهادة الجميع لكن مهههههههمله ولعاااااابه ولالها نفس للمذاكره او الحفظ تبي طول الوقت تلعب او تجلس فاضيه اهم شي انها ماتذاكر
في اختبارات الفتره الاولى قالت لي خليني اذاكر لوحدي ولاتتابعي ورايا وشوفي اني بجتهد وباخذ درجات حلوه قلت لها طيب وحفزتها وقلت لها بجيب لك هديه وبخلي لك فتره كل يوم تدخلي فيها النت اذا جبتي نتيجه حلوه
المهم انها تذاكر فتره قليييله وتقول خلصت اقول لها ارجعي وماترضى وخليتها وجابت لي نتيجه خااااااااااااااااايسه ماعندها ممتاز غير مادتين وثلااااث مواد مقبوول :09: والباقيه جيد لاوكمان دست عني النتيجه الين فضحها اخوها والله يوم شفت النتيجه مسكتني العبره وهي جالسه جنبي وتبكي تقول انا خايفه منك وانا اجتهدت بس ماقدرت وانا متاكده انها ماتذاكر بس ماني قادره عليها ان غصبتها عندت ومسكت الكتاب بدون فايده وان تركتها قامت تلعب وان جات النتيجه تبكي
والله انا حاسه بالفشل وخيبة الامل مدري الخلل فيني والا فيها
البنت تدرس مدرسة تحفيظ قرأن وانا بصراحه ما اقدر اجلس معاها طول الوقت بحكم انها كبيره خلاص وعندي اصغر منها ثلاثه والبيت وشغله على راسي

في رأيكم كيف المفروض يكون اسلوبي معاها وهل انا غلطانه لاني اتركها تذاكر لوحدها ولازم اجلس معاها واسمع لها كل يوم واتابع دفاترها زي لما كانت صغيره والا اشد عليها والله اني احترت واحس اني متكتفه قلت اكيد انتم يالمعلمات اعرف مني بالاساليب الصحيحه ...

انصحوني وجهوني