انا استخدم البروجكتر من زمان شريته بالفين من محل بست

اي سؤال انا حاضره

نسيت اقولك فيه بروجكترات صغيره بحجم الجوال مو عمليه ابد
الافضل الحجم الكبير زي اللي عرضته الاخت بالصوره

اختي نبضه ربي يسعدك دنيا واخرة ويعطيك من الخير مايرضيك ويحفظ لك غاليك
غاليتي سنبله الله ييسر لك الخير وين مارحتي ابسالك اختي بالنسبه لاستخدام البروجكتر هل لازم النت واللاب او لا
وش رايك فيه ممكن ينفعني بدروسي لاني لقيت في المنتديات وحده تقول يضيع عليها الوقت وهي تدور له عروض وخفت انت ايش رايك بما انك خبرة ماشاء الله

هلا اختي
لا مايحتاج للنت بس لازم لاب توب يكون معاك

انا عندي لاب توب حجمه صغير ( ايسر ) اسهل في التنقل

وبالنسبه للدروس اغلبها تحصلينها في النت جاهزه او ممكن تشترين سي دي

خاص بمنهجك والمكتبات مليانه انواع منها زاد المعلمه ونور المعلمه وغيرها

ممكن تعدلين فيها حسب حاجتك

آمين و إياك الله يسعدك..

شوفي حبيبتي ...
اذا انت معلمة ابتدائي بالعكس راح ينفعك كثير و يختصر عليك وقت حل تمارين كتاب الطالبة و كتاب النشاط، بدل ما تكتبين و يضيع الوقت في الكتابة.. غير المتعة اللي يضفيها على جو الحصة.

و ما تحتجين نت لكن لازم لابتوب عشان تشبكين البروجكتر.

اللي يقولون ان الوقت يضيع لهم وجهة نظر صحيحة وهي الوقت اللي تاخذينه في تشبيك الاسلاك.

لكن ممكن تختصرين وقتك بأحد أمرين:
إما أنك تشترين طاولة صغيرة و مرتفعة بعجلات و تحطين عليها البروجكتر و اللابتوب بأسلاكهم مشبوكين وجاهزين و تتنقلين بين الفصول، و ما عليك غير شبكه في الكهربا، أنا كتت أسوي كذا لما كنت في الابتدائي، لكن حالياً في الثانوي صعب، تعرفين بنات الثانوي كبار و ما تسلمين من تعليقاتهم.
فقلت أشتري بروجكتر إل جي و اشبكه في الميني لابتوب وكلهم في شنطة الكتف، و بكذا استغني عن الطاولة و اختصر الوقت.. وهذي الطريقة الثانية اللي ممكن تستخدميها.

آسفة على التطفل بس حبيت أفيد بما لدي.
و بالتوفيق.