يامن تشكين من ابوك وامك تعالي ادخلي بقوللك شي

بسم اللله الرحمن الرحيم
وبعد
كثير الاحظ بالمنتدى اللي تشكي من امها وابوها ليش لهدرجه عيشتكم مع اهاليكم ماهي عاجبتكم
امك وابوك اللي سبب وجودك بالدنيا وعزوتك لا جار الزمن عليك ماعرفتي غيرهم
اللي تشكي من ابوها وانه معقدهم بحياتهم وووو اشياء كثيره ماودي اذكرها
كثير شفت وانصدمت ممكن تكون اغلاط منهم بس مو للدرجه اني اتذمر
تعالي اقوللك يامن ابوك وجوده بحياتك مضاايقك
والله اني فقدت الحنان من يوم ابوي رحل عن الدنيا تخيلو للدرجه اني اشوف رجال كبير مع عياله ولا بناته قلبي يتقطع من الحزن على ابوي تخيلو اشوف بالتلفزيون اب يضم بنته ولا ولده على طول يجيني حزن واتذكر ابوي واقول وينك يانبع الحنااان وينك ياسندي بالحياه فقدت حنانه بشكل ماتخيلونه الله يرحمه بس
والام بعد ماننسى تعبها مهما كانت الام قاسيه لاتنسين شالتك وهي صغيره ومانامت الليل وانتي مريضه
ترى الام والاب نعمه من الله مايحس فيهم الا اللي فقدهم
حاولو قد ماتقدرون تبرون اهاليكم وتفرحونهم ولا تنزعجون منهم لو ضايقوكم
انا كان زوجي يقولي وانا عند اهلي استغلي وجودك عند اهللك ببرك لهم قلت كيف قال مثلا همزي رجول ابوك دهني رجوله بزيت زيتون وكنت اقول ان شاء الله بس التهي بالضحك والسوالف واللحين اتحسر اقول ياليتني دهنته اشياء بسيطه اتحسر اني ماسويتها يوم كان عايش الله يرحمه والحين اعوض ذللك بالصدقه مو شرط اتصدق بمال بس مثلا لو يجو ضيوف عندي بالبيت اقول يارب كل اتعب اللي اسويه ****لله صدقه عن ابوي يعني اشياء بسيطه
ادري كلامي مخربط بس شي بداخلي وقلته لاني انقهر لما اشوف اي وحده منزله موضوع عن امها ولا ابوها
حبيت تفهمون وش معنى تفقدين الاب او الام
الله يرحم ابوي ويخليلي امي يااارب