يامن شراله من حلاله عله

بسم الله
شوفوا بفضفض وياويل اللي توقف بطريقي ترى مطرطعه مليون مره كتبت

بس كلها للفضفضه وكنت احيانا ادور حلول

مشكلتي الاولى اني عايشه مع اهل زوجي يعني مع امه وجدته00 والمفروض من كلامه بايام الملكه ان البيت جدا هادي ومافيه احد00 بعد كذا طلع البيت فندق اي واحد من اخوانه يتهاوش مع زوجته يجيب عياله

غير كذا زوجي واخوانه متعودين ان امهم تحل كل مشاكلهم تخيلوا يابنات00 سلفتي تهاوشت مع زوجها راح شال عياله عند امه اللي هو بيتنا00 ويوم جات سلفتي تاخذ عيالها الام اللي هي ام زوجي مارضت تعطيها بس عناد00
انا لسى ماعندي عيال00 الشي الثاني

جدته حرمة كبييييييييييييييره بالسن ومقعده ولاتتكلم وبس تبكي00 وتخيلوا ام زوجي مسافره تصيف وبتخلي العجوز عندي والعجوز اساسا عندها 12 بنت وولد ومحد يبيها00 انا مابي احمل مسؤولية احد

غير كذا قلت لزوجي هذا الشهر الوحيد اللي بالسنة اللي نقعد فيه لوحدنا خلنا ناخذ راحتنا

يابنات زوجي واخوانه يسمعوون كلام امهم بشكل مو طبيعي بالصح وبالغلط مو معقوله

ماقلنا يعصونها بس فيه شي اسمه عقل

زي سلفتي زوجها يقول لها اللي هو اخو زوجي ابي اجيب العيال بس امي مو راضية وانا احبك بس امي مو راضية ارجعك

شي قاتل ان رجال يكون كذا00

انا من اول شهر زوج وكل ويك اند عيال اخوانه يجوون ينامون عندنا كلمت زوجي قلت له هذول اولاد وازعاج وانا ما اخذ راحتي حتى باللبس ماحرك ساكن قمت انا وكلمت امهم والحمد لله ماصارو يجوون طبعا انا ما امنعهم من الزياره بس قصدي النوم ثلاث ايام

جات مرت اخوه الكبير تقول بجي انام عندكم عشان عندي اختبارات وعيالي يزعجوني00 انا طفشت ايش اللي تنام بيتها خمس غرف وصالة وغير كذا بتقعد معانا طول الوقت وهي بالنسبه لزوجي غريبه وانا ما باخذ راحتي

يعني اطلع من حفرة اطيح بدحديره:44: وزوجي ولا كانه عايش مبسوط على وضع اهله ويقول لي عادي انتي اللي معقده الامور تخيلو بنات تيجي وتفتش وتدخل مطبخنا وغرفنا ويقول لي عادي00

اوكي نيجي الى امس طبعا انا كنت عند اهلي00 وعلى اساس برجع بيتنا الا يقول لي عيال اخواني بالبيت قلت خلهم يرحون لامهم يقول امي مو راضيه00 قلت له يا ابن الناس انا تعبت ياترجعون العيال عند امهم يا انا ماني راجعه البيت زهقت من هالفندق00

قال لي مايصير خاطرك الا طيب وقال لي بجيكي على الساعه 12 ويسحب علي وينام ليه لان عيال اخوانه ماراحوا وقعدت ادق ادق ادور وينه دقيت على امه قالت لي نايم

المشكله ماتقوله روح جيب حرمتك او انسى العزوبيه وخلك ماسك مسؤوليه لا كل اللي تقوله لي اصبري

بالله الى متى بصبر

قاعده ببيت اهلي ولا اتصل ولا عبرني لانه مشغول بكاس العالم00 انا قلت اذا اتصل بقول له ماني راجعه للبيت وروح كلم اخوي الكبير انا تعبت من تصرفاته اكبر همه اصحابه وكوره وبحرين



بعد كذا