ادخلوا الله يسعدكم

هذا الرد اللي كنت بقوله




لا يا قلبي علمي بنتك تكون متسامحة وتخلي الاطفال يلعبو معها بس بحدود يعني هي اللي تعطي اللعبة مو ياخذوها منها غصب

up

رفع سبحان الله وبحمده

بالنسبة للسؤال الأول
هل أخلي ولدي أو بنتي تاكل بروحها؟ أو أمسكها وأنا أوكلها؟
أنا أحط لها أكل في كرسي الطعام مالها
أو أعطيها الأكل بيدها وهي تاكل وتوسخ المكان
بس عادي خليها تستكشف الحياة توها طفلة أقل من سنتين ورضيعة وما أبغى أكتمها من الآن بالعكس أخليها تاكل بروحها وتنطلق بس مو في كل شيء
يعني في البسكوت أو القراميش أو الفواكه أخليها بروحها
أما في المأكولات المهروسة إلي تنوكل بالملعقة أنا أعطيها بنفسي

السؤال الثاني هل أعلم بنتي الطيبة مع الآخرين؟
طبعا أعلمها الطيبة وآخذ من أكلها وأعطي باقي الأطفال قدامها وهي تشوف وتفهم
أو أعطيها بسكوتة أقولها عطي الدادو وهي تعطيهم
علشان لو علمتها البخل على أكلها وألعابها في المستقبل
بتكون بخيلة علينا حتى احنا أمها وأبوها
بتتعود تمسك أغراضها عن الناس وإذا الناس ما عطوها وبخلوا عليها
مافيها شيء لو هي صارت أحسن منهم وأكرم منهم ﻷن هاذي أخلاق رسولنا عليه الصلاة والسلام

أخوي معلم ولده البخل
وأغراضي يعني أغراضي محد يلمسها أو يتسلفها
ألحين عمره 11 سنة منبوذ بين كل الأطفال
ومحد يبغاه وأختي كل ما تقول حق ولدها اعزم ولد خالك
مسكين متملل يقولها ما أبغاه بخيل
أنا أعطيه ألعابي ونشتري له كل شيء من البقالة لما يجي بيتنا
وهو من أروح لهم ما يخليني ألمس أغراضه
ولا يشتري لي أكل ويتقاسم مصروفه معي مثل ما أسوي له
وأخوي للحين مش ندمان على هالأسلوب الخايس في التربية
هو ما علمه البخل علمه أغراضي يعني أغراضي محد يوديها بيته أو يلمسها علمه يحافظ على أغراضه
لكن صار الموضوع في النهاية بخل ﻷن طفل عجز يميز بين المحافظة على الأغراض والبخل

أختي انتي علمي عيالك الكرم في البداية والطيبة
ولا كبروا علميهم بتشاركون بألعابهم مع باقي الأطفال
لكن يحافظون عليها ويرجعونها مكانها
وبكذا تكوني كسبتي الاثنين